Интерполнинг Тошкент ва Абу-Дабидаги Миллий марказий бюроларини ҳамкорликдаги саъй-ҳаракатлари билан халқаро миқёсда Интерпол каналлари орқали қидирувда бўлган жиноятчиларни экстрадиция қилиш масаласи ҳал этилди. Бу ҳақда бюро матбуот хизмати хабар берди.
Қайд этилишича, Халқаро жиноий полиция Интерпол томонидан Ўзбекистон Бош консуллиги вакилларининг бевосита кўмагида Тошкент ва Абу-Даби шаҳарлари миллий марказий бюролари ўртасида тадбирлар ўтказилган. Ушбу тадбирларда аввал икки томонлама учрашувларда эришилган келишувларга асосан катта миқёсдаги фирибгарлик жиноятини содир этганликда айбланиб, халқаро қидирувга эълон қилинган жиноятчиларни топшириш ишлари амалга оширилган.
“Шу тариқа, олиб борилган тезкор-қидирув тадбирлари натижасида БАА ҳудудида аниқланган жиноятчиларнинг изига тушишга муваффақ бўлишди”, — дейилади хабарда.
БАА ваколатли органларининг ижобий қарори натижасида қидирувдагилар адолат тараққий топиши учун Тошкентга етказилиши мақсадида Ўзбекистон ҳуқуқ-тартибот идоралари ходимларига топширилган.
Экстрадиция ҳолатлари
2023 йилнинг март ўрталарида Латвияда ўзини элчихона ходими сифатида таништириб, одамларни чув тушириб юрган Ўзбекистон фуқароси экстрадиция қилингани тўғрисида хабар берилганди. Шунингдек, март охирларида Интерполнинг Ўзбекистондаги Миллий марказий бюроси ходимлари томонидан халқаро қидирувда бўлган шахсни экстрадиция қилиш Швециядан биринчи марта амалга оширилди.
Апрель бошида Москва шаҳрида 13 йил олдин Ўзбекистонда содир этган жинояти учун халқаро қидирувда бўлган шахс қўлга олинганди. Ой ўрталарида бўлса, Қирғизистонда террорчилик ташкилотига аъзоликда гумонланиб, икки ўзбекистонлик ҳибсга олинган эди.
Изоҳ (0)