Фарғона вилояти Қўқон шаҳрида гиёҳвандлик воситалари савдоси билан шуғулланган аёл ва унинг қизи қўлга олинди. Бу ҳақда “Миллий” телеканалида хабар қилинди.
Тергов ҳужжатларида келтирилишича, Қўқон шаҳрида яшовчи 1987 йилда туғилган аёл гиёҳванд моддалар савдоси билан шуғулланиб, бу ишдан ўзининг 2010 йилда туғилган қизидан етказиб берувчи сифатида фойдаланган.
Ўтказилган тезкор тадбир давомида аёл ва унинг қизи харидорга 3 грамм гиёҳванд моддани сотаётган вақтида ашёвий далиллар билан ушланган.
Фуқаронинг уйи текширилганида эса унинг 15 ёшли қизининг қўлидаги елим идишда ҳам келгусида сотиш учун сақлаб келинган, 26 бўлакка бўлинган гашиш борлиги аниқланиб, далил сифатида олинган.
Ушбу ҳолат юзасидан Жиноят кодексининг 273-моддаси 5-қисми билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)