Остона полицияси 10 йилдан ортиқ вақт давомида халқаро қидирувда бўлган Ўзбекистон фуқаросини қўлга олди. Бу ҳақда шаҳар полиция бошқармаси хабар берди.
Маълум қилинишича, 42 ёшли Ўзбекистон фуқароси одам савдоси билан шуғуллангани учун 10 йилдан бери қидирувда бўлган. Қидирув ташаббускори Тошкент вилояти ички ишлар бошқармаси ҳисобланади.
“Эркак вақтинча сақлаш изоляторига олиб кетилган. Экстрадиция масаласи ҳал қилинмоқда”, — дейилади хабарда.
Бу халқаро қидирувда бўлган Ўзбекистон фуқароларининг Қозоғистонда қўлга олиниши билан боғлиқ биринчи ҳолат эмас. Жумладан, йил бошида Туркистон вилояти полицияси халқаро қидирувда бўлган икки нафар Ўзбекистон фуқаросини қўлга олганди. Улардан бири уч йилдан буён халқаро қидирувда бўлиб, талончиликда айбланган. Иккинчиси эса гиёҳванд моддаларни сақлаш билан боғлиқ жиноят содир этган.
Изоҳ (0)