• USD12496.94
    • RUB159.38
    • EUR14405.22
    Daryo.uz - Login
    Спорт Футбол

    Роналду “Ан-Насср” билан янги шартнома имзолашга яқин турибди

    Португалия терма жамоаси ҳужумчиси Криштиану Роналду Саудия Арабистонининг “Ан-Насср” клуби билан шартномасини узайтиришга яқин турибди. Бу ҳақда инсайдер Николо Скира ўзининг ижтимоий тармоқдаги саҳифасида хабар берди.

    Foto: Getty Images
    Фото: Getty Images

    Маълумотларга кўра, сўнгги ҳафталарда Роналдуга бир нечта клублар қизиқиш билдирган, бироқ футболчи фаолиятини риёдликлар сафида давом эттиришга қарор қилган. Томонлар ўртасидаги музокаралар якуний босқичда бўлиб, бу яқин вақт ичида расман эълон қилиниши кутилмоқда.

    Янги шартнома 2026 йилнинг июнига қадар мўлжалланган ва Роналду Саудия Арабистони Суверен жамғармасидан рақобатбардош жамоа шакллантириш бўйича барча зарур кафолатларни олган. Бундан ташқари, Криштиану “Ан-Насср”нинг трансфер сиёсатида фаол иштирок этади ва айрим қарорларни қабул қилишда ўз фикрини билдиради.

    Маълумот учун, жорий мавсум “Ан-Насср” Саудия Про Лигасида 70 очко тўплаб, турнир жадвалининг учинчи поғонасидан жой олди. Улар чемпионликни қўлга киритган “Ал-Иттиҳод”дан 13 очко ортда қолди. 40 ёшли Роналду эса мусобақанинг энг яхши тўпурарига айланган — 25 та гол. Унинг клуб билан шартномаси 2025 йил июнь охиригача мўлжалланган.

    #Роналду#Ан-Насср#Португалия#Саудия Про Лигаси#Трансфер

    Жавоб қолдиринг

    Мавзуга доир

    ×Lightbox Image