Португалия терма жамоаси сардори ва ҳужумчиси Криштиану Роналду Миллатлар Лигаси финалидаги Испанияга қарши бўладиган ўйин олдидан ўз фикрлари билан ўртоқлашди.
Жамоамизда кайфият юқори, ўзимизга бўлган ишонч кучли. Олдимизда дунёнинг энг кучли терма жамоаларидан бири тургани аниқ, аммо ярим финалдаги ғалабадан кейин бизда ишонч янада ортди. Умид қиламанки, ҳал қилувчи баҳсда ўзимизнинг энг яхши томонимизни кўрсатиб, ғалабани қўлга киритамиз. Финал ўйини — бу доимий босим остидаги кураш, аммо биз хотиржаммиз ва ўз кучимизга ишонамиз, дея Роналду сўзларини келтиради УЕФА расмий сайти.
Эслатиб ўтамиз, Португалия терма жамоаси ярим финалда Германияни 2:1 ҳисобида мағлуб этди. Ғалаба голига 40 ёшли Криштиану Роналду муаллифлик қилган эди.
Миллатлар Лигаси финали 8 июндан 9 июнга ўтар кеча куни бўлиб ўтади. Учрашув Ўзбекистон вақти билан 00:00 да бошланади.
Изоҳ (0)