“Интер Майами” ва Аргентина терма жамоаси ҳужумчиси Лионель Месси португалиялик футболчи Криштиану Роналду билан ўртадаги тарихий рақобати ҳақида фикр билдирди. Бу ҳақда журналист Фабрицио Романо хабар берди.
Аргентиналик юлдуз рақиби Роналду ҳақида шундай дейди:
“Мен Криштиану Роналдуни жуда ҳурмат қиламан ва унинг ҳаракатларига қойил қоламан. У авваллари қандай даражада ўйнаган бўлса, ҳозир ҳам юқори савияда ўйин намойиш қилмоқда.
Майдонда биз ҳар доим жамоамиз учун бор кучимизни беришга интилганмиз. Бу рақобат фақатгина майдон билан чекланган. Унинг ташқарисида биз оддий инсонлармиз. Ҳа, биз дўст эмасмиз — бирга вақт ўтказмаймиз, аммо ҳар доим бир-биримизга ҳурмат билан қараганмиз,” — деди Месси.
Месси ва Роналду йиллар давомида “Барселона” ва “Реал Мадрид” сафида Ла Лигадаги кўплаб тарихий тўқнашувларда иштирок этган. Уларнинг қарама-қаршилиги футбол тарихидаги энг машҳур дуэл сифатида эътироф этилади.
Маълумот учун, Лео Месси етакчилигидаги “Интер Майами” Клублар ўртасидаги Жаҳон чемпионати иккинчи турида “Порту”ни мағлуб этди. Ғалаба голини айнан Месси киритди.
Изоҳ (0)