Қирғизистон футбол иттифоқи Шимолий Корея футбол федерациясига ЖЧ-2026 саралаш босқичи доирасидаги 5 июнь кунига белгиланган ўйинни Тошкентда ўтказишни таклиф қилди. Бу ҳақда FIFA ташкилий қўмитаси аъзоси Алишер Никимбаев хабар берди.
Ушбу ўйинда расмий майдон эгаси Шимолий Корея терма жамоаси ҳисобланади. Бироқ улар сиёсий вазиятлар сабаб ўз мамлакатида учрашувлар ўтказа олмайди ва шу сабабли ўйин Шимолий Корея футбол федерацияси танлаган исталган Осиё давлатида бўлиши мумкин.
Қирғизистон томоннинг фикрича, Шимолий Корея 10-тур учрашувини Теҳронда ўтказиши кераклиги инобатга олинса, Қирғизистонга қарши ўйин учун Тошкентни танлаш мантиқан тўғри қарор бўлади.
Ҳозирда Қирғизистон терма жамоаси А гуруҳида 6 очко билан 5-ўринда кетмоқда ва уларда саралашнинг 3-босқичига йўлланма олиш учун имконият сақланиб қолган. Шимолий Корея эса 2 очко билан сўнгги ўринни эгаллаб турибди.
Маълумот учун. Ўзбекистон миллий жамоаси 5 июнь куни БАА майдонида меҳмон бўлса, 10 июнь куни Тошкентда Қатар билан тўқнаш келади.
Изоҳ (0)