Ўзбекистон мерганлари “Энг илғор мерганлар жамоаси” V халқаро мусобақасида 1-ўринни қўлга киритди ва олтин медалга сазовор бўлди. Бу ҳақда Мудофаа вазирлиги матбуот хизмати хабар берди.
-xLAjIsy1.avif)
Туркиянинг Испарта шаҳридаги “Командо” тоғ-ўқув машқлар марказида 5—16 май кунлари бўлиб ўтган мусобақада Ўзбекистон, Туркия, Покистон, Қатар, Озарбайжон, Италия, БАА, Кувайт каби 15 та давлатдан 48 жамоа иштирок этди.
Мусобақа иштирокчилари гуруҳларга бўлиниб, бир-биридан мураккаб 15 га яқин шарт бўйича баҳс олиб борди. Хусусан, ҳарбий жамоалар “Юқори бурчак остида ўқ отиш”, “Газниқоб тақиб, жанговар ўқ отиш”, Ноаниқ масофаларга ноқулай истеҳкомдан ўқ отиш”, Турли тўсиқлар ортидан ўқ отиш”, Ҳаводаги вертолётдан ўқ отиш”, Оролни ҳимоя қилиш ва қайиқдан жанговар ўқ отиш”, “Нишонга сездирмай яқинлашиб ўқ отиш”, “5 км масофадан юк ва қурол билан югуриб келиб, совуқ стволдан ўқ отиш”, “Тунда номаълум масофаларга ўқ отиш” ва “Сюрприз” шартларини бажарди.
-leE1umqr.avif)
Ўзбекистон Мудофаа вазирлиги ҳарбий хизматчилари фахрли 1-ўринни қўлга киритди ва олтин медалга сазовор бўлди.
Туркияда ўтказиладиган мазкур мусобақада Ўзбекистон Мудофаа вазирлиги жамоаси 4-маротаба иштирок этди ва 2022—2023 йилларда 2-ўринни ҳамда 2024—2025 йилларда 1-ўринни эгаллаган.
2025 йилнинг март ойида Мудофаа вазирлиги ҳарбий хизматчилари АҚШда бўлиб ўтган “Энг илғор жангчи-2025” мусобақасида рекорд натижалар билан ғолиб бўлганди.
Изоҳ (0)