Малика Диананинг гардеробидаги баъзи буюмлар июнь ойи охирида сотувга қўйилади. Reuters хабарига кўра, бу унинг аукционга қўйилган энг катта коллекцияси бўлади.
Princess Dianaʼs Style & А Royal Collection (“Малика Диана услуби ва қироллик коллекцияси”) деб номланган савдолар 26 июнь куни бўлиб ўтади. “Бу малика Диананинг энг йирик кимошди савдоси, чунки бизда унинг 100 дан ортиқ буюмлари бор”, деди Жулиэнъс Ауcтионс ижрочи директори Мартин Нолан.
Лотлар орасида кўйлаклар, шляпалар, пойабзаллар ва сумкалар бор. Масалан, мухлислар ва коллексионерлар 1988 йилда Беллвилле Сассоон компаниясининг гул босилган ипак кўйлагини сотиб олиш имкониятига эга бўлади, унда малика бир неча бор касалхоналарга ташриф буюрган. Маҳсулот 200-300 минг долларга сотиб олиниши тахмин қилинмоқда.
Шунингдек, аукционда Дианага Франциянинг биринчи хоними Бернадетт Ширак совға қилган Dior сумкаси, Жанни Версаче томонидан яратилган енгсиз кўк кўйлак ва либос эскизлари ҳам тақдим этилади.
Кимошди савдосига Елизавета II ва она-қироличага тегишли буюмлар ҳам қўйилади. Тушган маблағнинг бир қисми Мусcулар Дйстропҳй УК хайрия ташкилотига йўналтирилади.
Малика Диананинг буюмлари бир неча бор савдога қўйилган. 2023 йилда унинг қора-кўк рангли оқшом либоси рекорд нархда — 1,14 миллион долларга сотилган.
Изоҳ (0)