1995 йилда малика Диана BBC’га интервью бергандан сўнг бошланган жанжал шу кунгача давом этиб келади. Ва ниҳоят, қироллик оиласи мазкур суҳбат учун телеканалдан 1,5 миллион доллар товон пули оладиган бўлди, деб хабар беради PeopleTalk.
Шов-шувларга сабаб бўлган ўша интервьюда малика Диана журналист Мартин Баширга қироллик оиласида яшаш жуда қийинлигини айтган. У ўшанда биринчи марта эри шаҳзода Чарльз бошқа аёлни севишини тан олган. Кўриниб турибдики, Диана бу интервьюга Елизавета II нинг рухсатисиз рози бўлган.
Тергов хулосасига кўра, журналист малика Диана билан интервью олишда ноҳақ усуллардан фойдаланган. Маълум бўлишича, Башир маликанинг ишончини қозониш учун банк ҳисоб варақларини сохталаштирган ва ҳақиқатга тўғри келмайдиган ҳикояларни тўқиб чиқарган. Қироллик манбасига кўра, бу терговда шаҳзода Уильям ҳам иштирок этган.
Хорижий ОАВ хабарларига кўра, қироллик оиласи компенсация сифатида оладиган пуллар хайрия ишларига сарфланади. Қайд этилишича, бу сумма каналга ўша интервьюни намойиш этиш ҳуқуқини сотишдан тушган даромад фоизини ўз ичига олади.
Эслатиб ўтамиз, айнан шу интервью малика Диана ҳаётидаги келишмовчиликларнинг бошланиши эди. Суҳбатни 23 миллиондан ортиқ киши томоша қилган ва у ҳалигача Британия телевидениеси тарихидаги энг юқори рейтингларни банд қилиб турибди. Мазкур интервью сабаб Елизавета II шаҳзода Чарльз ва малика Диананинг ажрашишини талаб қилганди.
Мавзуга доир:
- Малика Диананинг ўғиллари Лондон ғарбида онасига атаб ҳайкал ўрнаттирди. Шаҳзода Чарльз маросимга келмади
- Қироллик оиласи ҳаётининг ўзига хос афзалликлари
- Малика Диананинг автомобили аукцион орқали кутилганидан ҳам қимматроқ нархга сотилди
- Фото: Малика Диана, Шерон Стоун ва тан соқчиларини севиб қолган бошқа юлдузлар
Изоҳ (0)