Маълумки, ҳамма эртаклар ҳам бахтли якун топмайди ва мана бунинг яна бир исботи.
Луи ва Тесси (Люксембург)
Бу романтик воқеа ўз вақтида катта шов-шувга сабаб бўлади. Люксембург герцогининг ўғли маъшуқасини деб тахтдан воз кечади. Анри ва Мария Терезаларнинг беш фарзандидан учинчиси Луи Тесси Антони билан собиқ Югославияда учрашади, у ерда қиз Люксембург тинчликпарвар миссияси таркибида хизмат қилган. Сержант (дарвоқе, оддий ғишт терувчининг қизи) қатъият ва шижоат билан ҳаракат қилади ва қисқа вақт ичида шаҳзодани ақлдан оздирибгина қолмай, ундан фарзанд ҳам дунёга келтиради. Люксембургнинг буюк герцоглари ва герцогинялари бу хабарни қаҳрамонона матонат билан қабул қилади: ёшларнинг қарорини “тўлиқ маъқуллайдилар” ва ноқонуний туғилган болани “меросхўр” деб эътироф этадилар.
Турмуш қурганда иккаласи ҳам 21 ёшда эди. 2006 йил 29 сентябрда улар никоҳдан ўтишади ва 10 йил бахтли яшашади. Оддий малика қироллик сулоласи вакили билан яшаган йиллар давомида фақатгина ўзининг шахсий ҳаёти ҳақида мукаммаллик билан гапиришга ўрганади. Расмий баёнотида у бу ҳақиқатни тан олиш “ниҳоятда қайғули” эканлигини таъкидлади, бироқ у Луи билан ҳақиқатан ҳам ажрашаётганини маълум қилади. Тесси “икки ўғлининг тарбияси масаласида у билан ҳамфикр бўлиб қолишига” ваъда беради ва шунча йиллик ҳамжиҳатликдан сўнг йўлларининг ажралиши нақадар ачинарли эканлигидан афсусланади.
Қизиғи шундаки, бир мунча вақт Тесси ва унинг икки фарзанди фақат турмуш ўртоғининг насл-насаби — Нассау билан кифояланишга мажбур бўлишади (Луи эса шаҳзода унвонини сақлаб қолган). 2009 йилга келиб, Тесси ниҳоят малика, фарзандлари Габриэль ва Ной эса шаҳзода унвонини олади. Буюк Британияга кўчиб ўтгандан сўнг, янги малика хайрия ишлари билан шуғулланган. Ҳозирда Тесси дипломатия соҳасида магистрлик даражасини олиш учун ўқишни давом эттиришни режалаштирмоқда.
Марта Луиза ва Анри (Норвегия)
Норвегия маликаси Марта Луиза ва Анри Бен 2016 йил август ойида ажрашишларини эълон қилишди. Уларнинг севги ҳикояси таъсирли эди, уларнинг никоҳи деярли мукаммал эди, шунинг учун Норвегия қироллик оиласининг замонавий тарихидаги биринчи ажралиш бўлган буни жамоатчилик қабул қилиш қийин эди. Анри Бен Норвегия маликасига ўқитувчилик қиладиган аёлнинг ўғли эди. Анрининг айтишича, агар Марта Луиза малика бўлмаганида, улар бир неча ҳафта ичида унаштирилган бўларди — у ягона муҳаббатини топганига ишончи комил эди. Айтганча, Марта Луиза ҳам болалигидан қироллик аъзоси эмас, балки “оддий одам” бўлишни хоҳларди. Аммо қирол Харалд ва қиролича Сонжа тахт вориси бўлган қизи оддий ёзувчи билан унаштирилиши ҳақидаги фикрга кўника олмайди.
Малика осонгина ҳазрати олиялари унвони билан воз кечиб, 2002 йилда ёшлар турмуш қуришади. Анри Бен рафиқасининг барча ташаббусларини қўллаб-қувватлайди (қироллик ҳаётидан хайрлашганидан кейин у китоблар ёзади, қўшиқ айтади, физиотерапевт бўлиб ишлайди ва ҳатто ўзининг сўзларига кўра, “фаришталар билан мулоқотда бўлади”), лекин қироллик хонадонининг унга нисбатан ёмон муносабатидан жуда қийналади.
Малика мазкур никоҳидан учта гўзал қиз туғилди, аммо ҳатто Лондонга кўчиб ўтиш ҳам — Марта Луиза болалари албатта инглиз мактабида ўқишлари керак деб ҳисобларди — эр-хотинга муҳаббатларини сақлаб қолишга ёрдам бермайди. Сўнгги марта Марта Луиза ва Ари қўл ушлашиб, қирол Харалднинг тож кийиш юбилейида омма олдида пайдо бўлишади ва шундан сўнг ажрашишларини эълон қилишади.
Бироқ ажралиш малика учун оғир синов эмас, балки катта фожиага айланади. 2019 йил 25 декабрда 47 ёшли Ари Бен ўз жонига қасд қилади. Ўлимининг сабаблари ҳалигача номаълум.
Чарльз ва Диана, Анна ва Марк, Эндрю ва Сара (Буюк Британия)
Буюк Британия қироллик оиласидаги никоҳ ва ажралишлар статистикаси жуда қайғули: қиролича Елизавета ИИнинг ўзи етмиш йил давомида оиласини мустаҳкам сақлаб турди, унинг тўрт фарзандидан фақат кенжа ўғли шаҳзода Эдвард ҳанузгача бахтли никоҳда бўлиб, фақат бир марта уйланган.
Албатта, шаҳзода Чарльз ва малика Диананинг ажрашишини алоҳида таъкидлаш керак. 11 йиллик турмуши давомида Чарльз ва Леди Ди икки ўғил — Уилям ва Гаррини дунёга келтирди. 1992 йилда эса улар алоҳида яшаётганликлари ҳақида маълум қилишди. Англия қонунчилигига кўра, агар бундай ҳолат 5 йилдан ортиқ давом этса, турмуш ўртоқлар ажрашган ҳисобланади. Айнан шу вариант Чарльзга маъқул бўлади, аммо 1996 йилда Елизавета II нинг талаби билан бу никоҳ расман бекор қилинади. Бир йилдан сўнг эса малика Диана автоҳалокатда вафот этади ва 8 йилдан кейин Уэлс шаҳзодаси Камилла Паркер Боулзга уйланади.
Изоҳ (0)