Англиялиялик лордга турмушга чиққан самарқандлик Гули Хоним Шайх (Гули Муродова) Буюк Британиянинг энг қадимий ва нуфузли унвонларидан бири — Freedom of the City of London (Лондон шаҳри эркин фуқароси) унвони билан тақдирланди. Бу ҳақда Гули Хоним Шайх “Дарё” мухбири билан суҳбатда маълум қилди.
Бу унвон кимларга берилади?
Бугунги кунда ушбу унвонга сазовор бўлганлар орасида:
• Қирол Чарльз III
• Машҳур ҳамшира Флоренс Найтингейл
• Собиқ бош вазир Маргарет Тетчер
• Инсон ҳуқуқлари ҳимоячиси Нелсон Мандела
• Малика Диана
• Сиёсатчи Уинстон Черчилл
• Технология етакчиси Билл Гейтс каби дунёга машҳур шахслар бор.
Гули Хоним Шайх ушбу нуфузли унвонни олган биринчи ўзбек аёли ҳисобланади.
Мазкур унвон қадим замонлардан бери шаҳарга алоҳида хизмат кўрсатган, ижтимоий, маданий ва халқаро миқёсда муҳим ҳисса қўшган шахсларга топширилади. Гули Хоним Шайхнинг ижтимоий фаоллиги, халқаро ташаббуслари ва аёллар салоҳиятини тарғиб этиш борасидаги саъй-ҳаракатлари ушбу юксак эътиборга сазовор бўлди.
“Бу фақат мен учун эмас, балки бутун ўзбек аёллари учун катта шараф. Бу ютуқ орқали юртимиз номини янада юксалтиришга ҳисса қўшишни давом эттираман”, дейди Гули Хоним Шайх.
Гули Хоним Шайх 2015 йилда мултимиллионер ва лорд, Консерватив мусулмон форуми асосчиси, барон ва Буюк Британия Лордлар палатасининг умрбод аъзоси бўлган Лорд Муҳаммад Илтаф Шайхга турмушга чиққан эди. Лорд Муҳаммад Илтаф Шайх 2022 йилда вафот этди.
Изоҳ (0)