Россия Украинада “қўғирчоқ режим” ўрната олмаслигини ва уруш тугагач, Украина ўз ҳудудий яхлитлигини сақлаб қолишини тан олди. Бу ҳақда АҚШ вице-президенти Жей Ди Венс хабар берди.
Венснинг таъкидлашича, Кремлнинг уруш борасидаги асосий талабларидан ва бош мақсадларидан бири Россия Киевда “қўғирчоқ ҳукуматни ўрнатиши” керак эди.
Мен россияликлар ҳамма нарсада ён беришди, демоқчи эмасман. Аммо улар урушдан сўнг Украинанинг ҳудудий яхлитлиги сақланиб қолишини тан олишга мажбур бўлди. Улар Киевда қўғирчоқ ҳукумат ўрната олмасликларини тан олди, бу асосий талаб эди, деди АҚШ вице-президенти.
Россиянинг Украина хавфсизлик кафолатларида иштироки бўйича келишмовчиликлар ҳақидаги саволга жавоб берар экан, Венс томонлар турлича фикрлаётганини айтди.
Биринчидан, биз уруш тугамагунча хавфсизлик кафолатларини умуман муҳокама қилмаймиз. Албатта, россияликлар бу можарони қандай тугатиш кераклиги ҳақидаги суҳбатнинг бир қисми бўлади. Шунга кўра, уларнинг бу жараёнда муайян ўрни бўлади, деди сиёсатчи.
У АҚШ ҳар қандай тинчлик келишувини таъминлаш учун қўшин юбормаслигига кафолат бера оладими, деган саволга АҚШ президенти Дональд Трампнинг позициясини яна бир бор тасдиқлади.
Президент жуда аниқ гапирган. Украинага қўшин киритилмайди. Лекин биз украиналиклар зарур хавфсизлик кафолатларига эга бўлиши ва ўз томонида урушни тўхтата олишига, россияликлар эса ўз томонидан уни якунлаши мумкинлигини ҳис қилишига фаол ёрдам беришда давом этамиз, дея хулоса қилган Венс.
Изоҳ (0)