Албатта, замонавий дунёда аёлларнинг 40 ва ҳатто 50 ёшида она бўлаётгани ҳеч кимни ажаблантирмай қўйди. Қироллик оилаларидан бўлган мазкур хонимлар ўзларининг мисолларида вақт келгандагина она бўлиш кераклигини исботлашган.
Елизавета II
Қиролича Елизавета тўрт нафар фарзанднинг онаси эди, улардан иккитаси у 30 ёшга тўлганидан кейин дунёга келган. Қизиғи шундаки, бу ёш меросхўрлар туғилган ҳар икки кун ҳам ғайриоддий воқеа билан эсда қолган.
Мисол учун, бўлажак Йорк герцоги — шаҳзода Эндрю 1960 йилда туғилган ва дарҳол бир аср ҳукмронлик қилган монархдан туғилган биринчи фарзанд унвонига эришган.
1964 йил 10 мартда 37 ёшли қиролича тўртинчи фарзанди шаҳзода Эдуардни дунёга келтиради. Туғуруқ жараёни ўша пайтдаги анъанага кўра, Букингем саройида бўлиб ўтади ва замонавий тарихда биринчи марта жараёнда боланинг отаси иштирок этади. Қироллик биографи Ингрид Сюарднинг сўзларига кўра, айнан Елизавета буни талаб қилган. Шундай қилиб, Эдинбург герцоги шаҳзода Эдвард туғилганда хотинининг ёнида бўлиб, унинг қўлидан ушлаб турган.
Қиролича Виктория
Қиролича Викториянинг тўққиз фарзанди бор эди (1840-1857 йилларда туғилган) — тўрт ўғил ва беш қиз. Ўша давр учун мутлақо хос бўлмаган нарса — у учта боласини 30 ёшдан кейин дунёга келтиради. Унинг кенжа қизи Beatрис Виктория 37 ёшида туғилган.
Зара Тиндолл
Малика Аннанинг ягона қизи 2011 йилда Англиянинг собиқ регби сардори Майкка турмушга чиқади. Бувиси қиролича Елизавета изидан бориб, 30 дан ошганда қизи Линани дунёга келтиради ва 37 ёшини (2018 йил) нишонлашга зўрға улгуради. Бироқ бу Зара Тиндоллнинг биринчи фарзанди эмас. Линанинг опаси Миа 2014 йил январь ойида туғилган.
Кейт Миддлтон, Кембриж герцогиняси
Кейт 30 ёшида шаҳзода Уилямга турмушга чиқади. Аммо уларнинг оиласида фарзандлар бўлишига ҳеч ким шубҳа қилмаган. Ахир, бир кун келиб, Уилям қирол бўлиши ва қиролнинг меросхўрлари бўлиши керак.
Жуфтликнинг тўнғич фарзанди — шаҳзода Жорж ота-онасининг тўйидан икки йил ўтиб туғилган. Кейт 2015 йилда қизи Шарлоттани ва 2018 йилда, 36 ёшга тўлганидан бир неча ой ўтгач, ўғли Луини дунёга келтиради. Қизиғи шундаки, баъзилар бу Кембриж герцогларининг сўнгги фарзанди бўлмаслиги мумкин, деб ҳисоблашади.
Монако маликаси Каролина
Монако шаҳзодаси Рейни III ва Голливуд актрисаси Грэйс Келлининг тўнғич қизи — Монако маликаси Каролинанинг тўрт фарзанди бор. Унинг учинчи фарзанди онаси 30 ёшга тўлганда туғилган.
Бироқ малика Каролинанинг турмуш ўртоғи, спортчи Стефано Кизираги ўғли Пьер атиги 3 ёшлигида фожиали тарзда вафот этади. 1990 йилда Стефано қайиқ пойгасида ҳалокатга учрайди. 9 йил ўтгачгина Каролина яна турмушга чиқади — Ганновер шаҳзодаси Эрнест t V Августга. Тез орада уларнинг қизи Александра туғилади. Ўша йили тўрт фарзанднинг бахтли онаси Каролин 42 га тўлганди.
Меган Маркл, Сассекс герцогиняси
Тўйларидан беш ой ўтгач, шаҳзода Гарри ва герцогиня Меган ота-она бўлишлари ҳақидаги хушхабарни эълон қилишади. Герцогиня ҳомиладорликни жуда осон бошдан кечиради. Меган барча турдаги тадбирларда фаол иштирок этади. 2019 йил 6 майда Сассекслар оиласининг тўнғич фарзанди дунёга келади – болага Арчи Харрисон деб исм қўйишади. Чақалоқ туғилганда герцогиня 37 ёшда эди.
Бир оз вақт ўтгач, журналистлар ва мухлисларга эр-хотин иккинчи фарзандни режалаштираётгани аён бўлади. Бироқ 2020 йил ноябрь ойида герцогиня июль ойида ҳомиласи нобуд бўлганини айтади. 2021 йил 14 февралда эса улар тез орада иккинчи марта ота-она бўлишларини эълон қилишади. Ва ниҳоят Лилибет Диана Маунтбаттен-Виндзор исмли қизалоқ 4 июнь куни дунёга келади.
Изоҳ (0)