Малика Диана ва қирол Чарльз III тўйидан қолган мевали торт бўлаги 20 октябрь куни Доре ва Рис аукционларида сотилади, деб хабар берди, Правила жизни нашри. Шунингдек, сотувда янги турмуш қурганларнинг қироллик саройи аъзоларига ташаккурномаси ҳам бор.
Ширинлик бўлаги ўша пайтда қироллик хонадонида умрининг охиригача ишлаган Найжел Рикетцга берилган. Рикетц 2022 йил бошида вафот этди ва Доре анд Реес аукцион компаниясининг мутахассиси баъзи нарсаларни баҳолаш учун унинг уйига борган.
Мутахассис ҳали ҳам салфетка ва ёғли қоғозга ўралган тўй торти бўлагини топган. Торт бундан 41 йил олдин тайёрланган бўлишига қарамай, таркибида кўп миқдорда алкоголь бўлганлиги туфайли яхши сақланган.
Ҳозирда лот 336 долларга баҳоланмоқда. Бироқ, аукцион ташкилотчилари машҳур тўйдаги торт анча қимматга сотилишини тахмин қилмоқда. Совға қутиси қопқоғида Уэльс шаҳзодаси нишони, шунингдек C, Д бош ҳарфлари (Чарльз ва Диана) ва «Букингем саройи, 1981 йил 29 июль» деган ёзув мавжуд.
1981 йилда малика Диана ва қирол Чарльз III нинг тўйи бутун дунё бўйлаб трансляция қилинган ва уни 750 миллиондан ортиқ инсон томоша қилган. Жуфтлик 1995 йилда расман ажрашганини маълум қилган.
Мавзуга доир:
- Дунёга қарши чиққан жуфтлик: 34 йил давомида турмуш қуриш учун қироличанинг рухсатини кутган Чарльз ва Камилланинг севги ҳикояси.
- Малика Диананинг ўғиллари Лондон ғарбида онасига атаб ҳайкал ўрнаттирди. Шаҳзода Чарльз маросимга келмади.
- Фото: Шаҳзода Чарльз 70 ёшда.
- ОАВ: Шаҳзода Чарльз тахтни эгаллаганидан сўнг Букингем саройида яшаш ниятида эмас.
Изоҳ (0)