Кино саноатида актёрларга машҳурлик келтирган салбий образлар кўплаб томошабинларнинг нафратига дучор бўлиши кўп учрайди. Қуйидаги кино юлдузлар биргина образи орқали дунё бўйлаб шуҳрат қозонган бўлса-да, кинодаги рол ва реал ҳаётдаги инсонларни бир-биридан фарқлай олмайдиган мухлисларнинг танқидлари остида қолган.
“Жирканч Гарри” фильмидаги Энди Робинсон
1971 йилда чиққан мазкур детектив триллерда полициянинг шафқатсизлиги ва фуқаролик ҳуқуқларининг бузилишини ҳақидаги кадрлар кўплаб баҳс ва мунозараларга сабаб бўлган. Энди Робинсоннинг қаҳрамони серияли қотил бўлиб, жиноятчиларни йўқ қилишда ўзининг қаттиққўллиги ва шафқатсизлиги билан ажралиб туради.
Унинг ижроси шунчалик ишонарли чиққан эдики, актёрга номаълум шахслар ҳатто ўлим билан таҳдид қилишган. Энди Робинсон гавдалантирган образ аслида реал воқеаларга асосланган бўлиб, бу факт вазиятни янада мураккаблаштирган. “Жирканч Гарри” фильми муваффақиятидан сўнг актёр бир мунча вақт психопат одамлар ролини ижро этишда давом этган.
“Юлдузлар жанги” фильмидаги Келли Мари Тран
Актриса Келли Мари Тран “Юлдузлар жанги: сўнгги жедай” фильмида Роуз Тико ролини ижро этган. Фильмда у жасур ва фидойи характерга эга шахс бўлади. Роуз Қаршилик ҳаракатининг аъзоси сифатида жангларда ўз ўрнини топишга ҳаракат қилади ва ҳатто бош қаҳрамоннинг ҳаётини сақлаб қолади.
Аммо унинг образига кўплаб салбий муносабатлар билдирилди, чунки баъзи томошабинлар унинг характерини ва ўйинга қўшилган янги қаҳрамонни қабул қилишни истамади. Бу ҳолат нафақат танқидга, балки актрисанинг шахсига нисбатан нафратга ҳам олиб келди. Ижтимоий тармоқ фойдаланувчилари актрисани ирқий камситар эди (Келли Мари Тран келиб чиқиши ветнамлик бўлган Америка фуқароси эди). Таъқиблар ва таҳдидларнинг сони камаймагач, актриса ижтимоий тармоқларни тарк этишга мажбур бўлган.
“Титаник” фильмидаги Билли Зейн
Режиссёр Жеймс Кемероннинг “Титаник” фильмида Кел Ҳокли роли билан машҳур актёр Билли Зейн қаҳрамонини гавдалантирганида 30 ёшда эди. У бадавлат ва ўқимишли, аммо кибрли ва манипулятор шахс сифатида кўрсатилган. Унинг Роуз билан муносабатлари Жек туфайли кескинлаша бошлагач, Кел қинғир ишга ўтади: ёзув қаҳрамон Жекни ўғриликда айблайди ва шу тариқа ундан қутулишга ҳаракат қилади.
Билли Зейннинг ажойиб ижроси мухлисларда катта нафрат уйғотган. Шундан сўнг у кўпроқ салбий қаҳрамонларни ўйнай бошлади. Масалан, “Келажакка қайтиб” фильмининг иккинчи қисмида Билли Зейн безори йигитлардан бирини ижро этган.
“Сумерки” фильмидаги Кристен Стюарт
“Сумерки” фильми Кристен Стюартга шон-шуҳрат олиб келиш билан бир қаторда, у ҳис-туйғуларини ифода этиш қобилиятига эга бўлмаган актриса сифатида ҳам қабул қилинди. Шу сабабли Кристен том маънода масхара объектига айланиб қолди.
Ўзингиз ҳақингизда пайдо бўлган фикрни рад этиш осон бўлмаслиги мумкин, аммо Стюарт буни ажойиб тарзда амалга оширди. У “Шахсий харидор” психологик триллеридаги образи орқали Стюарт истеъдодли актриса эканлигини исботлаб берди. Канндаги фильм премерасидан сўнг томошабинлар тахминан 4 дақиқа тик туриб қарсак чалишди.
Актрисанинг сўнгги таҳсинга сазовор лойиҳаси — “Спенсер” фильмидаги малика Диана роли бўлди. Ушбу образидан сўнг актрисани “Оскар” номинацияси узоқ куттирмади.
“Машаққатлар сари” фильмидаги Анна Ганн
Жиноятчилар ва социопатлар билан тўла ушбу фильмда шаҳар четида яшовчи оддий уй бекаси томошабинларнинг нафратига дучор бўлишини ҳеч ким кутмаган эди. Анна Ганн ижро этган Скайлер Уайт қаҳрамони турмуш ўртоғи Уоалтернинг ноқонуний ҳаракатларидан шубҳалана бошлайди ва оиласини хавфдан олиб чиқишга ҳаракат қилади.
Скайлер образи мукаммал бўлмаса-да, унинг ҳаракатлари ва мотивлари реал ҳаётдаги бекаларникига хосдир. Шунга қарамай, персонаж кўплаб томошабинлар томонидан ижобий қабул қилинмади ва Анна Ганн онлайн таъқиблар нишонига айланди. Вазият шу қадар жиддий эдики, актриса ҳатто The New York Times газетасида бу ҳақда мақола ёзди. Йиллар ўтиб актрисага ёзиладиган салбий изоҳлар сони камайиб борди.
Изоҳ (0)