Кетрин валиаҳд шаҳзоданинг рафиқаси сифатида Британия қироллик оиласининг энг юқори мартабали аъзоларидан бири ҳисобланади. Виндзорлар сулоласида ундан юқори мавқега эга бўлган ягона аёл — қиролича Камилладир. Афсуски, Кейтнинг мавқейи кўплаб қийинчиликларни ҳам ўз ичига олади. Қуйида унинг Уэлс маликаси сифатида қила олмайдиган 10 та кундалик иши келтирилган.
Кейтга қўшимча даромад топиш тақиқланган
Маълумки, Сассекс герцоги шаҳзода Гарри ва герцогиняси Меган Маркл молиявий мустақилликка эришиш учун қироллик оиласини тарк этган. Кейт каби қироллик оиласининг амалдаги аъзоларига ўз фаолиятларидан фойда олишга ва умуман маош ёки гонорар олишга рухсат берилмайди. Қўшимча пул топиш ўрнига, Кетрин даромад олиш мақсадида суратга олган фотоларини лицензиялаш орқали уларни расмий сарой каналлари орқали тарқатади ёки ҳеч қандай фойда олмай, ижтимоий лойиҳаларга тақдим этади.
Сиёсатга аралашиб, овоз бера олмайди
Кейт қироллик оиласида туғилмаганига қарамай, унга сиёсий қарашларини очиқ айтиш ва сайловларда овоз бериш ҳали ҳам тақиқланган. Тахминларга кўра, Британия монархларининг турли масалаларда ўз позицияларини баҳам кўрадиган мухлислари жуда кўп ва бундай фаоллик мамлакатдаги сиёсий вазиятга салбий таъсир кўрсатиши мумкин.
“Монополия” ўйнаш мумкин эмас
Шаҳзода Уилямга турмушга чиқиб, Кейт Миддлтон кўп нарсага эришди, лекин кўп нарсани йўқотди ҳам: бундан буён у машҳур стол ўйинини ўйнай олмайди. Бироқ тақиқ нафақат Кембриж герцогинясининг ўзига, балки бошқа қироллик аъзоларига ҳам тегишли. The Telegraph нашрига кўра, қироличанинг тақиқи туфайли қироллик оиласи аъзоларига “Монополия” ўйнашга рухсат берилмайди. Қиролича ўйинни “жуда шафқатсиз” деб ҳисоблаб, саройда ўйнашни тақиқлаган.
Ҳеч бир ижтимоий тармоқларда ўз саҳифасига эга бўлмаслик керак
Кўринишидан, деярли ҳар бир замонавий одам камида битта машҳур ижтимоий тармоқларда аккаунтига эга. Бироқ Кейт Миддлтон тўғридан тўғри виртуал мулоқот қилиш имкониятидан маҳрум. Уэлс маликаси ўзининг ижтимоий тармоқларига бағишланган бутун PR жамоасига эга.
Кейтга селфи тушиш мумкин эмас
Қироллик оиласининг амалдаги аъзолари расмий вазифаларини бажариш чоғида жамоатчилик вакиллари билан тез-тез учрашиб туради ва уларни кўпинча селфи тушишни хоҳлайдиган мухлислар кутиб олади. Бироқ қўл сиқиб кўришиш ва саломлашиш бу — Кейт ёки бошқа қироллик аъзоси билан учрашганда Виндзор мухлислари умид қилиши мумкин бўлган ягона нарса. Маликага селфи тушиш тақиқланган. Қироллик шарҳловчиси Виктория Арбитрнинг Insider нашриётига айтишича: “Қироллик аъзолари селфи талаб қиладиган одамлар билан шахсий мулоқотни афзал кўришади”. Шунингдек, Малика автограф ҳам бера олмайди.
Устрица ва мидия ейиш тақиқланади
Кембриж герцогиняси, шунингдек, Британия қироллик оиласининг бошқа аъзоларига ҳам устрица, мидия ва бошқа моллюскаларни истеъмол қилиш тақиқланган эди. Гап шундаки, бу денгиз маҳсулотлари, агар нотўғри сақланган бўлса, заҳарли бўлиши мумкин — Кетринга соғлиғи ва ҳаётини хавф остига қўйиш тақиқланган.
Агар қирол Чарльз III овқатланишни тўхтаца, Кейт овқатланишни давом эттириши мумкин эмас
Кетрин ёки ҳукмдор билан бирга овқатланадиган ҳар қандай одам амал қилиши керак бўлган яна бир ғалати қоида бор. Қирол овқатланишни тугатганида, стол атрофида ўтирганларнинг ҳаммаси овқатланишни тўхтатишлари керак.
Собиқ қироллик эшик оғаси Пол Барреллнинг эслашича, бир куни меҳмон ширинлик пайтида тарелкасига мевалар қўйишда давом этади, чунки у қиролича Елизаветанинг таомланишни тугатганини сезмаганди. Ниҳоят, нима бўлаётганини пайқаганида, у даҳшатга тушиб, бироқ меҳмонини ноқулай аҳволга солиб қўймаслик учун қиролича бир қултум ичади.
Кейт қайнотасидан олдин ухлаши мумкин эмас
Қироличанинг собиқ шахсий котиби Уилям Хезелтин ўзининг “Австралиядаги қироллик вакиллари” китобида ёзишича, ҳазрати олияларидан аввал ухлаш жуда ёмон тарбиянинг белгиси ҳисобланган. Бу аввалги Уэлс маликаси Диана учун катта муаммо эди.
“Малика Диана учун узоқ қироллик оқшомлари азоб эди. Ҳамма меҳмонхонада бир соатча гаплашиб ўтирарди. Бунга зўрға чидаган Диана кечирим сўраб, ухлагани кетарди, бу эса қироличага нисбатан ҳурматсизлик саналарди”, деб ёзганди Хезелтейн.
Кейт омма олдида устки кийимини ечиши мумкин эмас
Қироллик вакиллари кийинишига оид кўплаб тақиқ ва чекловлар мавжуд. Улардан бири устки кийимга тегишли. Кетрин ва бошқа унвонли шахсларга одамлар олдида палтосини ечиш тақиқланади. Эҳтимол, шунинг учун ҳам Виндзорлар сулоласидаги аёллар кўйлак-палтонинг барча вариантларини жуда яхши кўришади.
Изоҳ (0)