Оддий ҳаёт тарзини танлаган қироллик оиласи аъзолари (фото)

Қироллик оиласи аъзоси бўлса ҳам, оддий одамлардек яшашни танлаган ва ҳар куни ишга бориб-келишдан уялмайдиган машҳурлар билан танишамиз.

Шаҳзода Гарри

Буюк Британия қироличаси Елизавета II нинг набираси шаҳзода Гарри Калифорниянинг коучинг, консультация ва мураббийлик билан шуғулланувчи BetterUp компаниясига ишга жойлашган. Шунингдек, у Вашингтонда жойлашган, нотўғри ахборот тарқалишига қарши курашга ихтисослашган Аспен институтининг комиссия аъзоси бўлиб ҳам ишлайди.

Малика Беатрис

Малика Беатрис Голдсмит университетининг тарих факультетида таҳсил олган. Ўқишни тугатгандан сўнг, у Sandbridge венчур компаниясида ҳуқуқшунос лавозимида иш бошлаган. Кейинчалик эса Афинити номли IT-фирмада фаолиятини давом эттирган малика ҳозирда ушбу фирманинг вице-президент ҳисобланади.

Малика Евгения

Малика Евгения ҳам опаси Беатрисдан қолишмайди. У Ньюкасл университетини тугатгач, машҳур Paddle8 онлайн аукцион компаниясида иш бошлаган. Ҳозирда Евгения Лондондаги Hauser & Wirth арт галереясини бошқаради.

Питер Филлипс

Малика Аннанинг ўғли ва қиролича Елизавета II нинг тўнғич набираси ўзини турли соҳаларда синаб кўришга улгурган. Дастлаб у Jaguar Racing ва Williams Racing автомобиль фирмаларида менежер бўлиб ишлаган. Кейин етти йил давомида Шотландия қироллик банкида ишлагач, 2012 йилда Питер спорт тадбирлари билан шуғулланувчи ўзининг Sports & Entertainment UK Ltd компаниясига асос солди.

Дэвид Армстронг-Жонс

Малика Маргаретнинг ўғли мебель ишлаб чиқариш билан шуғулланади. Виконт Линли ўзининг Devid Linley номли фирмасини 1982 йилда ташкил қилган. Ҳатто Элтон Жон ва Валентино Гаравани ҳам Елизавета II нинг жияни бўлмиш Дэвид Армстронг-Жонсдан уй жиҳозлари сотиб олган.

Фредерик Виндзор хоним

2009 йилда актриса Софи Уинклман Майкл Кентнинг ўғли Фредерик Виндзор билан турмуш қурди ва Фредерик Виндзор хонимга айланди. Софи эри сингари иш билан банд бўлмаганлиги сабабли ҳеч ким унга актрисалик фаолиятини давом эттиришига тўсқинлик қилмаган.

Бироқ саҳнада актриса ўзининг қироллик мақоми ҳақида гапирмасликни афзал кўради. Бир фильмни суратга олиш жараёнида эса ҳатто ҳамкасблари Софининг қироллик оиласи аъзоси эканлигини билишмаган.