Пекинда роботлар иштирок этган биринчи футбол мусобақаси бўлиб ўтди, дея хабар берди “Правила жизни”.
Турнир давомида гуманоид роботлар ўзини ҳақиқий спортчилар каби тутди: улар хотиржамликни сақлаб, майдонда фаол ҳаракат қилди ва тўп учун курашди. Айрим роботлар ўйим давомида рақибларини йиқитди, бошқалари эса оёқда туришга бир оз қийналди. Шунга қарамай, кўплаб “ўйинчилар” мувозанатни сақлай олмай, майдондан замбил ёрдамида олиб чиқиб кетилди.
Гарчи роботлар ўйин давомида секин ҳаракатланган бўлса-да, бу каби мусобақалар сунъий интеллект соҳасида эришилаётган ютуқларни яққол намойиш этади. Ушбу роботлар тўлиқ автоматлаштирилган бўлиб, ўйин давомида инсон назоратисиз, фақат ўз алгоритмларига таянган ҳолда ҳаракатланган.
Мутахассисларнинг таъкидлашича, бундай тадбирлар Хитойнинг сунъий интеллектга эга робототехника йўналишидаги етакчилигини кўрсатади. Бунга давлат томонидан кўрсатилаётган қўллаб-қувватлаш асосий омил бўлмоқда. Мутахассислар прогнозига кўра, 2028 йилга келиб Хитойнинг робототехника бозори ҳажми 108 миллиард долларга етади. 2050 йилга бориб эса мамлакатда 302,3 миллион гуманоид роботлар фаолият юритиши кутилмоқда.
Хитойда сунъий интеллектга эга роботларни қўллаб-қувватлаш даражаси бошқа мамлакатларга қараганда юқори. Шу сабабли мамлакатда бу соҳа тез ривожланмоқда”, деди Morgan Stanley тадқиқотлари бўйича мутахассис Шен Чжун.
Мазкур турнир 2025 йилда ўтказилиши режалаштирилган Жаҳон гуманоид роботлар ўйинларига тайёргарлик босқичидир. Яқин келажакда инсонлар ва роботлар ўртасида футбол ўйинларини ташкил этиш ҳам режалаштирилган.
Изоҳ (0)