Таиландда ўтказилаётган бокс бўйича Осиё чемпионатида эркаклар ўртасидаги финал баҳслари бугун, 11 декабрь куни бўлиб ўтди. Кун давомида 10 нафар ўзбек боксчилари рингга кўтарилди. Улардан Шаҳзод Музаффаров ва Жасурбек Йўлдошевлар финалда мағлуб бўлиб кумуш медалга эга чиқди. Қолган 8 нафар боксчи финал баҳсларини ҳам ғалаба билан якунлади.
Мусобақа якунларига кўра умумжамоа ҳисобида 8 та олтин, 2 та кумуш ва 1 та бронза жамғарган Ўзбекистон термаси қитъада тенгсиз бўлди. Қизиқарлиси, жамоа бундай натижага иккинчи таркиб билан эришди. Медаллар жамғариш бўйича эркаклар ўртасидаги баҳсларда иккинчи ўрин қўшни Қозоғистонга насиб қилди.
Осиё чемпионатида олтин медални қўлга киритган боксчилар:
-48 кг: Шодиёржон Мелиқўзиев
-51 кг: Асилбек Жалилов
-57 кг: Миразизбек Мирзаҳалилов
-63,5 кг: Адҳамжон Муҳиддинов
-67 кг: Мужибилло Турсунов
-71 кг: Havasбек Асадуллаев
-75 кг: Жавоҳир Умматалиев
-80 кг: Тўрабек Ҳабибуллаев
Кумуш медал эгалари:
-54 кг: Шаҳзод Музафаров
-86 кг: Жасурбек Йўлдошев
Бронза медал соҳиби:
+92 кг: Жаҳонгир Зокиров
Кеча, 10 декабрь куни аёллар ўртасида финал баҳслари бўлиб ўтди. Мусобақа якунларига кўра Ўзбекистон аёллар терма жамоаси 3 та олтин, 4 та кумуш ва 2 та бронза медалларини қўлга киритди. Бу натижа билан қизлар умумжамоа ҳисобида Қозоғистондан кейин иккинчи ўринни эгаллади.
Осиё чемпионатида олтин медални қўлга киритган боксчилар:
-48 кг: Фарзона Фозилова
-52 кг: Феруза Казакова
-66 кг: Навбаҳор Ҳамидова
Кумуш медал эгалари:
-54 кг: Азиза Якубова
-57 кг: Нигина Ўктамова
-75 кг: Азиза Зокирова
+81 кг: Олтиной Сотимбоева
Бронза медал соҳиблари:
-50 кг: Сабина Бобоқулова
-81 кг: Соҳиба Рўзметова
Изоҳ (0)