Россиянинг Хабаровск шаҳри мезбонлик қилаётган бокс бўйича “Константин Коротков хотира турнири”да бугун, 18 май куни финал жанглари бўлиб ўтди. Кун давомида 16 нафар ўзбекистонлик боксчи олтин медал учун рингга кўтарилди.
-GWEm_mUD.jpg)
Хотира турнири доирасида терма жамоамиз 7 та олтин ва 9 та кумуш медалларига эга чиқиб, умумжамоа ҳисобида медал жамғаришда тенгсиз бўлди.
Финал доирасида бокс мухлислари икки бора ўзбек дербиси гувоҳи бўлди. 54 килограммгача бўлган вазнда Ҳасанбой Дўстматов очколар ҳисобида ғалаба қозонди. Ҳакамларнинг икки вакили учрашувда дуранг қайд этилганини қайд этган бўлса, икки ҳакам Ҳасанбойнинг бир ҳакам эса Шаҳзоднинг ғалабасини қайд этди.
+92 вазн тоифасидаги яна бир ўзбекча дербида Баҳодир Жалолов устун келди. У Лазизбек Муллажоновни очколар ҳисобида ғалаба қозонди.
Ғолиб ва совриндорлар рўйхати қуйидагича:
Олтин медал
-54 кг: Азиза Ёқубова
-54 кг: Ҳасанбой Дўстматов
-57 кг: Абдумалик Ҳалоков
-67 кг: Руслан Абдуллаэв
-71 кг: Асадхўжа Мўйдинхўжаэв
-86 кг: Жасурбек Йўлдошев
+92 кг: Баҳодир Жалолов
Кумуш медал
-50 кг: Робияхон Бахтиёрова
-66 кг: Дилфуза Бекова
-75 кг: Азиза Дайирбекова
-48 кг: Авазжон Йўлдошев
-54 кг: Шаҳзод Музафаров
-60 кг: Дилшод Абдумуродов
-80 кг: Тўрабек Ҳабибуллаэв
-92 кг: Мадияр Саидраҳимов
+92 кг: Лазизбек Мулложонов
Изоҳ (0)