Бокс бўйича ЖЧ—2023. Бугун Ўзбекистонда ўтадиган мусобақага расман старт берилади

Ўзбекистоннинг Тошкент шаҳрида ўтказиладиган бокс бўйича Жаҳон чемпионати 30 апрелдан 14 майга қадар бўлиб ўтади.

30 апрель, якшанба куни мусобақага қуръа ташланади ва расмий очилиш маросими ўтказилади. Жанглар эса 1 майдан старт олади.

1—10 май кунлари саралаш босқичи ва чорак финал баҳслари ўтказилади. 12 май куни ярим финаллар, 13–14 май кунлари эса финал жанглари бўлиб ўтади. Жангларнинг барчаси “Ҳумо Арена”да ўтказилади.

Аввалроқ Ўзбекистон терма жамоасининг мусобақада иштирок этадиган таркиби эълон қилинганди:

• -48 кг: Шодиёржон Мелиқўзиев
• -51 кг: Ҳасанбой Дўстматов
• -54 кг: Ойбек Жўраев
• -57 кг: Абдумалик Ҳалоков
• -60 кг: Мужибилло Турсунов
• -63,5 кг: Руслан Абдуллаев
• -67 кг: Асадхўжа Мўйдинхўжаев
• -71 кг: Саиджамшид Жаъфаров
• -75 кг: Аълохон Абдуллаев
• -80 кг: Жасурбек Йўлдошев
• -86 кг: Шоҳжаҳон Абдуллаев
• -92 кг: Лазизбек Муллажонов
• +92 кг: Баҳодир Жалолов.