Париж—2024 совриндорлари Баҳодир Жалолов ва Музаффарбек Тўрабоев Сурхондарёда кутиб олинди

Париж—2024 Олимпиадаси совриндори бўлган Баҳодир Жалолов ва Музаффарбек Тўрабоев Сурхондарёда кутиб олинди.

Термиз шаҳридаги Яккакураш турлари мактабида Париж—2024 ёзги Олимпия ўйинлари чемпиони Баҳодир Жалолов ҳамда бронза медали совриндори Музаффарбек Тўрабоевни тантанали тақдирлаш маросими бўлиб ўтди.

Давлат ва жамоат ташкилотлари мутасаддилари, ёшлар, спортчилар, воҳалик спорт мухлислари иштирок этган тадбирда Сурхондарё вилояти ҳокими Улуғбек Қосимов чемпионликни қўлга киритган боксчи Баҳодир Жалолов ҳамда бронза медали соҳиби, дзюдочи Музаффарбек Тўрабоевга зарбоп тўн кийдириб, воҳа аҳли номидан спортчиларимизни эришган ғалабалари билан табриклади.