Франциянинг Париж шаҳрида ёзги Олимпиада ўйинлари 11 август куни ўз ниҳоясига етди. Ушбу Олимпия ўйинлари бир қанча шов-шувли воқеалари ва тарихий натижалари билан ҳам эсда қолди.
Париж—2024 янги юлдузларни кашф этди, қайсидир буюк спортчиларни даражасини янада оширди, шунингдек, супер қаҳрамонларнинг орзуларини рўёбга чиқарди.
Қуйида Олимпиаданинг 31 қаҳрамони ҳақида сўзлаймиз.
Новак Жокович, теннис
Серб ўзининг бешинчи уринишида яккалик баҳслардаги мақсадига эришди ва ўз фаолиятида етишмаётган медални совринлари орасига қўшиб қўйди.
Леброн Жеймс, баскетбол
32 йилда ирода кўрсатган (айниқса, серблар билан ярим финалда) дрим-тимнинг энг кучли идеологи ва етакчиси.
Стефан Карри, баскетбол
36 ёшида Олимпиадада дебют ўтказди, турнир давомида фантастик ўйин намойиш этди ва финалда французларни “ухлашга” мажбур этди.
Арман Дюплантис, баландликка сакраш
Ярим кечаси у бир ўзи 75 минг томошабинни ўз бағрига сиғдира оладиган “Стад де Френс”ни диққатини ўзига қарата олди. Сўнгги уринишида эса жаҳон рекордини ўрнатди: 6,25. 5 йилдан кам вақт ичида Мондонинг тўққизинчи рекорди.
Леон Маршан, сузиш
Олимпиадада 4 та олтин олиш — сузиш спортида энг юқори натижа эмас, лекин Маршан — француз жамоатчилиги учун қаҳрамонга айланган, янада нозик масалаларда мўжизалар кўсата олди: тикланиш тезлиги (сузишлар ораси 2 соатдан кам вақт оларди) ва бир-бирига мос келмайдиган усулларни бирлаштира олиш қобилияти (200 баттерфлай + 200 брасс усули).
Пан Чжанле, сузиш
Париждаги иккита рекорднинг муаллифи. 100 метрга эркин усулда сузишда бир сониядан ҳам кўпроқ вақт оралиғи ҳатто рақибларни ҳам ғазаблантирган.
Сифан Ҳассан, енгил атлетика
5000 м масофадада бронза, кейин 10 минг м масофада ҳам бронза, 36 соатдан сўнг марафонда олтин медал. Нидерландиядан келган югурувчи Олимпиаданинг барча иштирокчиларидан кўра кўпроқ масофани босиб ўтган — бу ажойиб кўрсаткич.
Кети Ледеки, сузиш
Париждаги олтин дубль Ледекини 9 карра Олимпиада чемпионига айлантирди, бу борада фақат Майкл Фелпс ундан олдинда. Ва у ҳали чекинишни истамаяпти, Кети атиги 27 ёшда ва кейинги Олимпиада унинг юртида бўлади.
Тедди Ринер, дзюдо
Ўз уйидаги Олимпиада, иккита олтин, кореялик рақиби билан жангда туширилган, вирусдек тарқалган сурат. Олимпиадани бундан бошқа яна самарали якунлаш мумкинми?
Эрвин Нгапет, волейбол
Франция финалда Польша терма жамоасини кўрдим демади. Деярли 100 очко тўплаган Эрвин волейбол турнирининг энг яхши ўйинчиси бўлди.
Баҳодир Жалолов, бокс
Жалолов кетма-кет иккинчи бор Олимпиада ғолиблигини қўлга киритди. Оғир вазн тоифасида икки марта олтин медални ютган ягона боксчи. Шу билан бирга Ўзбекистон бокс терма жамоаси 5 та олтин медалга эга чиқди (фақатгина Куба 2004 йилда бу натижани қайд этган).
Жалолов финалдаги ғалабадан сўнг ҳаваскор боксдаги фаолиятига якун ясади.
Паола Эгону, волейбол
Эгону аёллар ўртасидаги энг қиммат ўйинчи деб топилди. Усиз Италия тарихий олтин ютиб олиши даргумон эди.
Юсуф Дикеч, пневматик тўппончадан ўқ отиш
Дикеч фақат ғолиблар эсда қолади деган афсоналарни парчалаб ташлади ва ушбу Олимпиадада энг машҳур кумуш медал соҳибига айланди. Унинг унутилмас позаси барча юлдузлар томонидан такрорланди.
Ким Э Жи, пневматик тўппончадан ўқ отиш
Биз эслаб қоладиган яна бир кумуш медал соҳиби: замонавий образ ва нафис деталлар.
Михаин Лопес, кураш
Бешта Олимпиада — кубаликнинг беш ғалабаси. Қойилмақом натижа.
Симона Байлс, спорт гимнастикаси
Америкалик спортчи ғалабалар сони бўйича Лариса Латининага ета олмади, лекин яқинлашди: Париждан учта олтин ва кумуш олиб кетди. Лос-Анжелес Олимпиадасида (2028) у 31 ёшда бўлади ва қолиб, рекордларни бузиш ё бузмасликни ўзи ҳал қилади.
Ёсип Врлич, сув полоси
Мусобақада хорватлар кумуш медални қўлга киритди, бироқ Врлич барча эътиборни ўзига қаратди.
Изабел Верт, от спорти
Немис илк Олимпиада медалини 1992 йилда қўлга киритган. Ҳозирда 55 ёшда бўлган спортчи Парижда олтин ва кумуш медалга эга чиқди. Изабел 7 та турнирда медал қўлга киритган ягона спортчи ҳисобланади.
Лаша Талахадзе, оғир атлетика
Грузиялик супермен деярли 10 йилдан буён йирик турнирларда енгилмаяпти: 7 марта жаҳон чемпионатида, 7 марта Еврода ғалаба қозонган. Энди эса Олимпиадада учинчи олтин медалини қўлга киритди.
Даяна Таурази, баскетбол
6-Олимпиадада 6-ғалаба — жамоавий спорт турида бунақаси бўлмаганди. Таурази 42 ёшда ва ҳали Лос-Анжелес—2028 да ҳам иштирок этишни мақсад қилган.
Иман Ҳалиф, бокс
Бутун Олимпиада давомида машмалар марказида бўлди, бироқ охирида ғолиб бўлди ва олтин медални Жазоир аёлларига бағишлади.
Жюлен Альфред , югуриш
Дунёдаги энг тезкор аёл: 100 метрга югуришда олтин медал, 200 метрга югуришда кумуш медални қўлга киритди ва Сент-Люсияни Олимпиада харитасига киритди: ҳозирча Альфред бу мамлакатдан медал қўлга киритган ягона спортчи.
Ноа Лайлс, югуриш
Америкалик спринтер 4 та медални мақсад қилганди, бироқ биттасини қўлга киритди. Муҳими, энг нуфузлисида — 100 метрга югуришда.
Даря Варфоломеев, бадиий гимнастика
Шахсий кўпкурашларда Германия учун олтин медални қўлга киритди.
Ким Ву Жин, камондан ўқ отиш
Кореялик спортчи Парижда ҳет-трик қайд этди ва ўз спорт турида энг яхшиси сифатида тарихга кирди — унинг ҳисобида Олимпиададаги 5 та ғалаба бор.
Ма Лун, стол тенниси
Хитой Олимпиадада медаллар сони бўйича ғалаба қозонишига оз қолди. Ма Лун эса мамлакат тарихидаги энг совриндор спортчи ҳисобланади. (6 та чемпионлик)
Виктор Акселсен, бадминтон
Даниялик хитойликларни қандай мағлуб этишни билади. У энг яхшилардан таҳсил олди, тилни пухта ўрганди ва иккинчи Олимпиада медалини қўлга киритди.
Иван Литвинович, батутда сакраш
Парижда шарафига нейтрал спортчилар мадҳияси янграган ягона спортчи. Беларуслик уч йил аввал Токиода қўлга киритган чемпионлик унвонини муносиб ҳимоя қилди.
Ремко Эвенепул, велошоссе
Бошқа рақибларига ҳеч қандай имконият қолдирмади ва иккита олтин медални қўлга киритди. Шунингдек, Эйфель минораси билан энг чиройли суратни ҳам тақдим этди.
Мирра Андреева ва Диана Шнайдер, теннис
Россия учун ягона медал — жуфтликда кумуш медални қўлга киритди.
Евгения Чикунова, сузиш
Сўнгги ҳафтада титул соҳибасига айланди: икки карра Олимпиада чемпиони — яна тўрт йил давомида у шу тарзда ёдга олинади.
Изоҳ (0)