Иссиқ ҳавода барчага бирдек қулайлик яратувчи озиқ-овқат етказиб бериш хизматлари жиддий соғлиқ муаммоларига сабаб бўлиши мумкин. Шифокор Асият Абдуллаева овқатдан заҳарланиш ва касалхонага тушиб қолиш хавфини олдини олиш учун уйга буюртма бермаслик керак бўлган маҳсулотлар ҳақида гапириб берди.
“Буюртмангиз йиғилди ва ҳали ҳам курерни кутмоқда — бу ҳолат кўпинча овқат етказиб бериш хизматлари мижозларида, айниқса тиғиз пайтларда, узоқ вақт давомида сақланиб қолади. Йиғилган озиқ-овқатларни курер олиб кетгунча пакетларда қолиб кетади ва бу дақиқалар озиқ-овқатларнинг сифатини бузиши мумкин”, деди у.
Эксперт таомларнинг бир нечта тоифасини ажратиб кўрсатди, улар ҳарорат шароитларининг бузилиши ёки узоқ муддатли ташиш ҳақида гап кетганда “секин таъсир қилувчи бомбалар” ҳисобланади. “Қора рўйхат”га иссиқлик билан ишлов берилмаган тайёр таомлар, масалан, тартарлар, суши ва роллар киритилган бўлиб, улар учун ҳарорат режими ва сақлаш муддатига риоя қилиш жуда муҳимдир. Кремли ширинликлар — таркибида қаймоқли, оқсилли кремлар бўлган тортлар ва пирожнийлар ҳам хавфли бўлиб, улар тўғри сақланмаса, бактериялар манбаи бўлиши мумкин. Йогурт ва янги сут маҳсулотлари каби яроқлилик муддати қисқа маҳсулотлар ҳам хавф остида бўлиб, курер олиб келгунига қадар бузилиши мумкин.
Шунингдек, майонезли салатларни ҳам ёз пайтида ўзингиз тайёрлаганингиз маъқул, чунки етказиб бериш пайтида энг тез бузилувчи маҳсулот айнан майонезли салатлардир.
Изоҳ (0)