Париж-2024 ёзги Олимпияда ўйинларига йўлланма берувчи мусобақалар якунланди.
Ўзбекистон бокс эркаклар ва аёллар миллий терма жамоаси 11 та вазнда йўлланмани нақд қилди.
Бунда эркаклар терма жамоаси жаҳонда биринчилардан бўлиб тўлиқ таркибда лицензияни нақд қилганди.
Навбаҳор Ҳамидова (-66 кг) Таиландда якунига етаётган Париж-2024 жаҳон лицензион турнирида муваффақиятли қатнашиб, 4 йилликнинг энг нуфузли мусобақаси иштирокчисига айланди. Ҳамидова ҳал қилувчи баҳсда сербиялик Кристина Кулуховадан устун келди.
Шу тариқа, бокс бъйича Ўзбекистон терма жамоаси Париж-2024 ёзги Олимпия ўйинларида 11 нафар спортчи билан қатнашадиган бўлди. Йигитлар тўлиқ таркибда (7 нафар), қизлар эса тарихда илк бор 4 спортчи билан йўлланмага эга чиқди. Бу аёллар жамоамиз учун рекорд кўрсаткич ҳисобланади.
Париж-2024 Олимпияда ўйинларида қатнашадиган бокс бўйича Ўзбекистон терма жамоаси таркиби билан танишинг:
Эркаклар:
- -51 кг: Ҳасанбой Дўстматов
- -57 кг: Абдумалик Ҳалоков
- -63,5 кг: Руслан Абдуллаев
- -71 кг: Асадхўжа Мўйдинхўжаев
- -80 кг: Тўрабек Ҳабибуллаев
- -92 кг: Лазизбек Муллажонов
- +92 кг: Баҳодир Жалолов
Аёллар:
- -50 кг: Сабина Бобоқулова
- -54 кг: Нигина Ўктамова
- -57 кг: Ситора Турдибекова
- -66 кг: Навбаҳор Ҳамидова
Эслатиб ўтамиз, Париж-2024 ёзги Олимпияда ўйинлари шу йилнинг 26 июлидан 11 августигача бўлиб ўтади.
Изоҳ (0)