WBO рейтинги янгиланди. Ҳасанбой Дўстматов пастлади, Шаҳрам Ғиёсов ва Баҳодир Жалолов ўз ўрнида қолди

Бутунжаҳон бокс ташкилоти (WBO) май ойи учун янгиланган рейтингни эълон қилди. 

Унга кўра, ўтган ойда 6-ўринда қайд этилган Ҳасанбой Дўстматов бир поғона пастлаб, 7-ўринга жойлашди. Олимжон Назаров ўтган ойдагидан бир поғона юқорилаб, 4-ўринни эгаллади. Ушбу вазн тоифасида чемпионлик камари ҳозирча вакант ҳисобланади.

Муроджон Аҳмадалиев ҳам ўз вазн тоифасида рейтингда бир поғона кўтарилиб, 5-ўринга жойлашди. Айнан шу вазнда жанг қиладиган яна бир ўзбекистонлик боксчи ҳам бир поғона юқорилаб, 6-ўринга жойлашди. 

Бектемир Мелиқўзиев ҳам пир поғона юқорилаб, 9-ўринни эгаллади. 
Тажрибали ўзбекистонлик боксчилар Шаҳрам Ғиёсов ҳамда Баҳодир Жалоловнинг ўрни ўзгаришсиз қолди.

Рейтингдан 7 нафар ўзбекистонлик боксчи жой олган:

• Ҳасанбой Дўстматов (биринчи ўта енгил вазн (48,8 кг): ўтган ойдагидан бир поғона пастлаб, 7-ўринга жойлашди;
• Олимжон Назаров (ўта енгил вазн тоифаси - 50,8 кг) ўтган ойдагидан бир поғона юқорилаб, 4-ўринни эгаллади;
• Муроджон Аҳмадалиев (биринчи ярим енгил вазн тоифаси - 55,3 кг) ўтган ойдагидан бир поғона юқорилаб, 5-ўринни эгаллади;
• Муҳаммад Шехов (биринчи ярим енгил вазн тоифаси - 55,3 кг) ўтган ойдагидан бир поғона юқорилаб, 6-ўринни эгаллади;
• Шаҳрам Ғиёсов (яримўрта вазн тоифаси - 66,6 кг) ўтган ойдаги каби 2-ўринга жойлашди;
• Бектемир Мелиқўзиев (супер ўрта вазн - 76,2 кг) ўтган ойдагидан бир поғона юқорилаб, 9-ўринни эгаллади;
• Баҳодир Жалолов (супер оғир вазн - 90,7 кг) ўтган ойдаги сингари 15-ўринда қолди.