Сурхондарё вилоятининг Бойсун тумани, “Инкобод” МФЙ ҳудудида жойлашган автомобилларга сиқилган газ қуйиш шохобчасида 28 июнь куни соат 07:15 ларда Nexia-2 портлаб кетди. Бу ҳақда вилоят ФВБ хабар берди.
Маълум қилинишича, автомашинага газ тўлдириш вақтида 100 литр сиғимдаги метан баллонида ёрилиш содир бўлган.
Ҳодиса оқибатида автомобиль яқинида бўлган ҳайдовчи олган тан жароҳатлари билан воқеа жойида вафот этган.
Ҳодиса жойида ёнғин содир бўлмаган. Воқеа жойига туман ФВБ, ИИБ, прокуратура раҳбар ходимлари чиққан.
2024 йилнинг январь ойи ўрталарида Тошкент вилоятининг Ўрта Чирчиқ туманидаги метан заправкада ҳам “Жигули”да ёнғин чиққанди. Октябрь ойида Қарши туманидаги автомобилларга суюлтирилган газ қуйиш шохобчасида ёнғин содир бўлганди.
2025 йилнинг февралида эса Андижондаги заправкада ҳаво-газ аралашмасининг чақнаши содир бўлган эди. Май ойида Бухородаги пропан заправкада ёнғин содир бўлганди.
Изоҳ (0)