Бухоро вилоятининг Олот тумани, “Жайхунобод” МФЙда жойлашган “Сирож сервиз” МЧЖга қарашли пропан газ қуйиш шохобчасида 23 май куни соат 21:15 ларда ёнғин содир бўлди. Бу ҳақда вилоят ФВБ хабар берди.
Маълум қилинишича, заправкада “Камаз”га газ қуйиш вақтида чақнаш содир бўлиши оқибатида ёнғин келиб чиққан. Воқеа жойига 2 та ёнғин қутқарув автоэкипажлари соат 21:19 да етиб борган. Ёнғин соат 21:40 да ўчирилган.
Ҳодиса оқибатида ҳеч қандай портлаш содир бўлмаган. Ёнғиндан автомобилнинг ён томонидаги газ қуйиш агрегатлари ва суюлтирилган углеводород гази қисман ёнган.
Дастлабки маълумотга кўра, ёнғинни ўчиришга ҳаракат қилган фуқароларнинг тан жароҳати олиш ҳолатлари қайд этилган.
Ёнғинни келиб чиқиш сабаби — ёқилғи қуйиш вақтида технологик жараённи бузилишидан дея тахмин қилинмоқда.
Изоҳ (0)