Бухоро вилоятида 20 март, жума куни, тахминан соат 17:20 да ҳаракатланиб кетаётган Nexia-3 автомобилининг газ баллони портлаб кетгани ва оқибатда уч киши ҳалок бўлгани ҳақида хабар берилган эди. Мазкур ҳодиса юзасидан жиноят иши қўзғатилди. Бу ҳақда «Дарё»га Бош прокуратура томонидан маълум қилинди.
Хабар берилишича,2020 йилнинг 20 март куни соат 17:20 да фуқаро И.Н. ўз бошқарувидаги Nexia-3 машинасига Бухоро шаҳри Газлишоҳ кўчасидаги «Евро Метан» газ қуйиш шохобчасидан ёқилғи (метан) қуйган. Шундан сўнг тахминан 1500 метр масофа ҳаракатланиб, Ғузор—Бухоро—Нукус—Бейнов автомобиль йўлининг 223-километрига етганида автомашинадаги газ баллони портлаб кетган.
Портлаш оқибатида машинада бўлган бир аёл ҳодиса жойида, она ва бола эса шифохонада вафот этган.
Айни пайтда ҳолат юзасидан Жиноят кодексининг 186-моддаси (Истеъмолчиларнинг ҳаёти ёки соғлиғи хавфсизлиги талабларига жавоб бермайдиган хизматлар кўрсатиш) 4-қисми «а» банди билан жиноят иши қўзғатилган. Дастлабки тергов ҳаракатлари олиб борилмоқда.
Мавзуга доир:
- Фото: Андижон «газ заправка»сидаги портлаш тафсилотлари маълум қилинди
- Гулистондаги газ қуйиш шохобчасида автобус газ баллони портлаб кетди
- Қоровулбозорда портлаган Nexia юзасидан Ўзбекистон ИИВ ахборот берди
- Бош прокуратура Бухорода портлаган Nexia ҳақида маълумот берди
- Қашқадарёда Nexia юкхонасига ўрнатилган газ баллони портлади. Йўловчи ҳалок бўлди
- Бош вазир ўринбосари Бухородаги фожиа юзасидан тезкор йиғилиш ўтказди
Изоҳ (0)