Хоразм вилоятида 3 млрд сўмлик табиий газдан ноқонуний фойдаланган метан заправка аниқланди, деб хабар бермоқда “Ўзэнергоинспекция”.
Унга кўра, ҳолат “Ўзэнергоинспекция” Хоразм вилоят ҳудудий бошқармаси, вилоят прокуратура ва ИИБ ҳамкорлигида ўтказилган назорат тадбирида аниқланди. Янгибозор туманида жойлашган “Ф.Г.” МЧЖга қарашли автомобилларга газ тўлдириш компрессор шохобчаси табиий газдан ноқонуний фойдаланиб келаётгани аниқланди.
Хусусан, ушбу шохобчада газ ҳисоблаш ускунасининг конфигурациясига ташқи таъсир кўрсатилгани маълум бўлди.
Ушбу қоидабузарлик натижасида дастлабки ҳисоб-китобларга кўра газ таъминоти корхонасига 3 миллиард 48 миллион сўмлик зарар етказган.
Мазкур ҳолат юзасидан ҳуқуқни муҳофаза қилиш органлари томонидан терговга қадар текширув ишлари олиб борилмоқда.
Газ ўғирлаш ҳолатлари
Изоҳ (0)