Клублар ўртасидаги Жаҳон чемпионати 1/8 финал босқичи доирасида “ПСЖ” ва “Интер Майами” жамоалари ўртасида бўлиб ўтган баҳс якунига етди. Голларга бой ва қизиқарли тарзда кечган учрашувда Париж клуби 4:0 ҳисобида зафар қучиб, чорак финалга йўл олди. АҚШ вакили эса мусобақани тарк этди.
Учрашувдаги ҳисоб аллақачон 6-дақиқада Жоау Невеш томонидан очилди. 39-дақиқада у дубль қайд этиб, жамоаси устунлигини мустаҳкамлади. 44-дақиқада "Интер Майами" футболчиси Томас Авилес автогол муаллифига айланди. Бўлим якунига яқин, 45+3-дақиқада Ашраф Ҳакими рақиб дарвозасига яна бир тўп киритиб, ҳисобни 4:0 кўринишига келтирди.
Иккинчи бўлим ҳам жонли ва ҳужумларга бой тарзда ўтди. Ҳар икки жамоа хавфли ҳужумлар уюштирди, бироқ ҳисоб ўзгармади.
Шу тариқа, “ПСЖ” йирик ҳисобдаги ғалаба билан чорак финал йўлланмасини қўлга киритди. “Интер Майами” эса чемпионат билан хайрлашди.
Клублар ўртасидаги Жаҳон чемпионати
1/8 финал
29 июнь, якшанба
“ПСЖ” — “Интер Майами” 4:0
Голлар: 1:0 — Невеш (6), 2:0 — Невеш (39), 3:0 — Авилес (44), 4:0 — Ҳакими (45+3)
Изоҳ (0)