Қашқадарё вилоятида синфдош қизининг ёнида юрган йигитни калтаклаганлар иши судда кўриб чиқилди. Бу ҳақда “Миллар” дастурида хабар берилди.
Маълум қилинишича, ҳолат Қарши шаҳрида содир бўлган. Синфдош қизнинг ёнида бегона йигитни кўрган ўсмирлар жаҳл устида уни дўппослашган. Мактаб ўқувчиларининг мазкур хатти-ҳаракатлари уларнинг иштирокидаги судда кўриб чиқилди.
Суд якунларига кўра, даъвогарнинг қонуний вакили ҳисобига жавобгарлар, яъни калтаклаганлар қонуний вакиллари томонидан жами 48 млн 365 минг сўм моддий зарар ҳамда жавобгарларнинг қонуний вакилларидан ҳар биридан 2 млн сўмдан маънавий зарар ундириш ҳақида қарор қабул қилинган.
Мактабдаги жанжаллар
Аввалроқ Сирдарёда ўқитувчи 1-синф ўқувчисини қўлига игна санчиш билан жазолангани ҳақида хабарлар тарқалганди. Суриштирув давомида юқоридаги ҳолат тасдиғини топмаган.
Қашқадарёнинг Шаҳрисабз туманидаги мактабда ўқитувчи 5-синф ўқувчисини уриб жароҳатлади. Қарши шаҳридаги мактабда ўқитувчи ва ўқувчи ёқалашгани тасвирлари тарқалди. Алгебра фани ўқитувчиси ва 10-синф ўқувчиси бўлган икки қиз ўртасида ўзаро келишмовчилик келиб чиқиб, оғзаки тортишиб қолган. Уларнинг хатти-ҳаракатларига чора кўриш учун судга берилган.
Тошкентдаги мактабда аёл дастлабки иш кунида ўқувчини калтаклагани ҳам кенг муҳокамаларга сабаб бўлганди. Аёл жазоланиб, мактаб директори ишдан олинганди.
Танганинг иккинчи томони: ўқитувчига тазйиқ ўтказиш ҳолатлари
2024 йилнинг октябрида Сирдарё туманидаги 2-мактабда икки ўқувчи қиз ўқитувчини урганди. Ўша йилнинг апрелида Фарғонада мактаб ўқитувчиси ўқувчининг қариндошлари томонидан калтакланганди. 2023 йилнинг майида Фарғона вилояти Тошлоқ туманидаги мактабнинг бошланғич синф ўқитувчиси ўқувчисининг онаси томонидан калтакланганди. Сентябрь ойида Сурхондарёда мактаб директори ўқитувчининг яқин қариндошлари томонидан калтакланганди. Мазкур ҳолатлар юзасидан ҳуқуқбузарларга қилмишидан келиб чиққан ҳолда жазо чоралари кўрилган.
- Тошкентдаги мактабда болани урган ўқитувчи ишдан бўшатилиб, яна ишга тикланди.
- Қашқадарёдаги мактабда бир-бирига бўёқ сепган ўқувчиларнинг ота-онаси жазоланди.
- Тошкентдаги мактабда ўқитувчи болаларга “Катюша”ни ёдлатгани учун ишдан олиндими?
- Навоийда мактаб директори ўқувчиларни калтаклади.
- Тошкент вилоятидаги мактабда дарсга кеч қолганлар ўт юлишга мажбурланди.
Изоҳ (0)