Royal Caribbean Navigator of the Seas элита круиз лайнерининг 134 нафар йўловчиси ва 11 нафар экипаж аъзоси АҚШдан Мексикага ва ортга саёҳат пайтида шубҳали вирусни юқтирган. Бу ҳақда Меtrо нашри хабар бермоқда.
Кема 4 июль куни Лос-Анжелес портидан йўлга чиқиб, 8 июль куни Мексиканинг Пуэрто-Валярта шаҳрида тўхтаган ва уч кундан сўнг жўнаш нуқтасига қайтиб келган. Лайнер бортида жами беш мингдан ортиқ киши бўлган.
Касалланганларда бир хил аломатлар: қусиш, ич кетиши ва ошқозон спазмаси кузатилган. Касалликка норовирус сабаб бўлгани тахмин қилинмоқда. Касалланишнинг аниқ сабаби ҳозирча номаълум.
“Кемаларимиз бортида соғлиқни сақлаш ва хавфсизликни таъминлашнинг энг юқори даражасига ёрдам берадиган муҳитни сақлаб қолиш учун биз қатъий тозалаш тартибларини жорий этмоқдамиз. Бу тартибларнинг кўпчилиги жамоат соғлиқни сақлаш идоралари тавсияларидан анча юқори”, деди Royal Cаribbean Group вакиллари.
Компания аллақачон кемада кучайтирилган тозалаш чораларини кўрган. Маълум қилинишича, касалланган йўловчилар изоляция қилинган.
Июнь ойида Хитой ва Осиёнинг бошқа бир қатор мамлакатларида COVID-19 нинг қайта авж олишига янги NB.1.8.1 варианти сабаб бўлгани аниқлангани хабар қилинганди.
Изоҳ (0)