Фотогалерея: АҚШда содир этилган 11 сентябрь терактларига 20 йил тўлди
2001 йил 11 сентябрь куни эрталаб бир гуруҳ худкуш террорчилар АҚШга ҳужум уюштирди. Жангарилар тўртта самолётни эгаллаб олган: улардан иккитаси Нью-Йоркдаги Жаҳон савдо маркази минораларига, учинчиси Вашингтондаги Пентагон биносига урилган, тўртинчи самолёт эса Пенсильвания штатининг Шанксвилл шаҳарчаси яқинидаги далага қулаб тушган. Ҳужумларда ҳаммаси бўлиб, 3 мингга яқин киши ҳалок бўлган.
Жаҳон савдо маркази минораларидаги портлашда ҳалок бўлганларнинг деярли барчаси вояга етган кишилар эди. Фақат саккиз нафар бола теракт қурбони бўлди — уларнинг барчаси биноларга қулаган самолётлар бортида эди. Бироқ терактлар уч мингдан зиёд болаларни ота-онасидан жудо қилди.Фото: Getty Images
«Ал-Қоида» террорчилари томонидан эгаллаб олинган биринчи лайнер маҳаллий вақт билан соат 08:46 да Жаҳон савдо марказининг Шимолий минорасига, иккинчи лайнер эса соат 09:03 да Жанубий минорага бориб урилди.Фото: AP Photo
Минораларда ёнғин чиқиб, юқори қаватлардаги одамларнинг қочиш йўллари беркилиб қолди. Орадан икки соат ўтмай, ушбу 110 қаватли осмонўпар биноларнинг иккаласи ҳам қулаб тушди.Фото: Getty Images
марказига яқин одамлар цемент чангидан бўғиларди." data-action="zoom" class="border lazyload" />
Вайронагарчилик марказига яқин одамлар цемент чангидан бўғиларди.Фото: AP Photo
Ўт ўчирувчилар биринчи бўлиб эгизак миноралар портлаган жойга етиб келди. Ёнаётган биноларда 341 нафар ўт ўчириш ходими ҳалок бўлди.Фото: EPA
Терактда қурбон бўлган уч мингга яқин кишининг икки ярим мингдан кўпроғи Нью-Йоркдаги Жаҳон савдо маркази биноларида, 200 дан ортиғи ўғирланган самолётлар ичида бўлган. Олти мингдан ортиқ одам жароҳатланган.Фото: Getty Images
Ёнғинларни ўчиришга бир неча ҳафта керак бўлди. Олов тўлиқ ўчирилгунга қадар 99 кун давомида вайроналар ичида ёниш ва туташ давом этди.Фото: EPA
Маълум бўлишича, тахминан 18 киши Жаҳон савдо марказининг жанубий минорасидаги зарба зонасини тарк этиб, қочиб қутулишга муваффақ бўлган.Фото: Getty Images
Эгизак миноралар билан бирга Жаҳон савдо марказининг бошқа бинолари ҳам жиддий шикастланган ёки вайрон бўлган: Marriott меҳмонхонаси, Авлиё Николай юнон православ черкови, шунингдек, World Trade Center’нинг 7, 6, 5 ва 4-бинолари.Фото: Getty Images
Пентагоннинг бир қаноти портлаш ва ёнғин натижасида вайрон бўлган, бинонинг бир қисми қулаб тушган.Фото: Getty Images
Нью-Йоркдаги ҳудудларни тўлиқ тозалаш фақат 2002 йилнинг мартига келиб ниҳоясига етди.Фото: Wipe Images
Конгресс қарори билан 2002 йилдан бери АҚШда 11 сентябрь «Ватанпарварлар куни» сифатида нишонланади. Қурбонларнинг оила аъзолари ташаббуси билан бу сана 2009 йилдан бери «Миллий хизмат ва хотира куни» деб ҳам аталади.Фото: Getty Images
Аввалроқ АҚШ махфий хизмати 11 сентябрь воқеаларини акс эттирувчи илгари чоп этилмаган фотосуратларни эълон қилганди. Шунингдек, жорий йилнинг сентябрь ойи бошида АҚШ президенти Жо Байден 11 сентябрь терактлари билан боғлиқ ҳукумат ҳужжатларини махфийликдан чиқариш ва эълон қилиш ҳақидаги фармонни имзолади. Ўз баёнотида Байден шу тарзда сайловолди ваъдасини бажараётганини тушунтирди. «Мен президентликка номзод бўлганимда Америкага 2001 йил 11 сентябрда уюштирилган терактлар тўғрисидаги ҳужжатларни очиқлашни таъминлаш мажбуриятини олганман. Ўша фожиали куннинг 20 йиллигига яқинлашар эканмиз, мен бу мажбуриятни бажараман», — деди Байден.
Бугун эса Байден 11 сентябрь воқеаларининг 20 йиллиги муносабати билан Америка халқига мурожаат қилди.
марказига яқин одамлар цемент чангидан бўғиларди." data-action="zoom" class="border lazyload" />
Изоҳ (0)