Режиссёр Питер Жексоннинг афсонавий трилогияси биринчи қисми намойиш этилганига йигирма йилдан ортиқ вақт ўтди. Фильм дунё бўйлаб миллионлаб томошабинларнинг қалбини забт этди ва бош ролларни ижро этган актёрларга катта муваффақият келтирди. Аммо орадан йиллар ўтиб, улар қандай кўринишда? Ҳозирда нималар билан банд? Қуйида шу ҳақда батафсил маълумот берамиз.
Фродо — Элайжа Вуд
Фродо Беггинс образидан сўнг актёр Элайжа Вуд эришилган ютуқларга берилиб кетмади. У фаолиятини давом эттириб, ноодатий ва оригинал лойиҳаларни танлади — “Беғубор онгнинг абадий порлаши”, “Гуноҳлар шаҳри” каби фильмлар, шунингдек, анимацион лойиҳаларда турли қаҳрамонларга овоз берди.
Шу билан бирга, Элайжа продюсер сифатида ҳам ўзини синаб кўрди: у “SpectreVision” номли кино компаниясига асос солиб, триллер ва даҳшатли жанрдаги фильмларни ишлаб чиқарди. Шунга қарамай, Фродо образи унинг энг таниқли роли бўлиб қолди.
Шахсий ҳаётини эса актёр кўпроқ сир тутишни афзал кўради. У даниялик актриса Метте-Мари Конгсвед билан турмуш қурган. Улар 2016 йилда “Бу дунёда энди ўзимни уйдагидек ҳис қилмайман” номли триллерни суратга олиш майдонида танишган. Жуфтлик икки фарзандни тарбияламоқда.
Сем — Шон Эстин
Самуайз Гемжи аслида узукни Ҳалокат тоғига олиб борган асосий қаҳрамон эди. Шон Эстин ўзининг самимий ижроси билан ушбу иккинчи даражали қаҳрамон бутун трилогияда аҳамиятли бўлди. Сем образи ҳақиқий дўстлик тимсолига айланди.
Шон Эстиннинг кейинги йиллардаги машҳур роли — “Бегона буюмлар” (Stranger Things) сериалидаги Боб Ньюби образи бўлди. У ерда ҳам актёр ўзига хос меҳрибон ва фидокор қаҳрамонни гавдалантирган. Шунингдек, актёр хайрия билан ҳам шуғулланади.
Мерри — Доминик Монахен
Трилогиядан сўнг Доминик Монахен “Ғаройиб одамлар: Ибтидо. Росомаха” фильмида ва яна бир нечта йирик лойиҳаларда иштирок этди. Бироқ унинг карьерасидаги энг муҳим бурилиш машҳур “Йўқолганлар” сериалидаги Чарли Пейс роли бўлди.
Суратга олиш ишлари тугагач, Монаган бутунлай янги соҳада ўзини топди — у табиацҳунос, тадқиқотчи ва телебошловчига айланди. “Доминик Монаган ва энг ёввойи жонзотлар” номли шоуси актёрнинг табиатга бўлган муҳаббатини акс эттиради. Монаган уйида экзотик ҳайвонлар боқади ва ҳатто Ҳиндистонда жойлашган ўрмонга эгалик қилади.
Пиппин — Билли Бойд
Шотландиялик актёр трилогиядан сўнг Голливудда фаолиятини давом эттиришга шошмади, бироқ у ўзининг мусиқа соҳасидаги истеъдодини намоён этди. “Ҳоббит: беш лашкар жанги” фильми учун ёзган ва куйлаган “The Last Goodbye” қўшиғи мухлислар томонидан илиқ кутиб олинди.
Билли Бойд Beecаke номли гуруҳ билан гастрол сафарларига боради, театрда ишлайди ва янги куйлар яратади. У балерина Али МакКиннон билан турмуш қурган, жуфтлик Жек исмли ўғилни вояга етказмоқда. Бойд хайрия тадбирларида ҳам фаол иштирок этмоқда.
Гендалф — Иэн МакКеллен
Иан МакКеллен томонидан яратилган сеҳргар Гендалф образи дунёдаги энг таниқли образлардан бирига айланди, аммо актёрнинг ёшлигида қандай кўринишга эга бўлганини кўпчилик эслолмайди ҳам. Унинг актёрлик карьераси асосан театр билан боғлиқ бўлиб, кинода унчалик омади юришмаган.
58 ёшли МакКелленнинг карьерасидаги бурилиш нуқтаси “Шогирд” триллеридаги собиқ нацист роли бўлди. Шундан сўнг “Худолар ва йиртқич ҳайвонлар” фильми учун “Оскар” номинациясига сазовор бўлди. Ва ниҳоят, машҳурлик актёрга Питер Жексоннинг “Узуклар ҳукмдори” трилогиясидан кейин келди. 2012 йилда у яна Гендалф сифатида “Ҳоббит: кутилмаган саёҳат” фильмида саҳнага қайтди.
Арагорн — Вигго Мортенсен
Вигго Мортенсен “Узуклар ҳукмдори”дан сўнг карьерасини муваффақиятли давом эттирди. У “Ажойиб капитан” ва “Яшил китоб” каби танқидчилар томонидан юқори баҳоланган фильмларда суратга тушди. 2020 йилда у режиссёр сифатида илк марта “Қулаш” номли драматик фильмни яратди. 2024 йилда эса иккинчи фильми — “Ўликлар оғриқ сезмайди” номли вестернни тақдим этди.
Вигго шеър ёзади, рассомлик билан шуғулланади. У Перcевал Пресс нашриётига асос солган. Унда актёрнинг шеърлари расмлари чоп этилади. У ижодида хотира, маданият ва табиат мавзуларини олиб чиқади.
Леголас — Орландо Блум
Леголас ролидан сўнг Орландо Блум яна бир машҳур франшиза — “Кариб денгизи қароқчилари”да иштирок этди. У ерда у романтик ва жасур Уилл Тёрнер образини яратди. Шу икки рол актёрнинг кино саҳнасидаги услубини белгилаб берди. 2000 йиллар бошларида у энг чиройли инсонлар рўйхатларига киритилгач, кўплаб йирик киностудиялар томонидан таклифлар олди.
Вақт ўтиши билан Орландо кўпроқ мустақил фильмларга ўтди. Шахсий ҳаётда эса у хонанда Кети Перри билан 10 йилга яқин муносабатда бўлди. 2020 йилда уларнинг қизи Дейзи Доу Блум туғилди. Аммо 2025 йил июнь ойи охирида жуфтлик ажрашди.
Изоҳ (0)