FIFA президенти Жанни Инфантино 2025 йилги Клублар ўртасидаги Жаҳон чемпионати финал баҳсида АҚШ собиқ президенти Дональд Трамп шахсан иштирок этишини маълум қилди. Ҳал қилувчи беллашувда Англиянинг “Челси” клуби Франциянинг “Пари Сен-Жермен” жамоасига қарши майдонга тушади.
Президент Трамп финалда қатнашади. У футболни жуда яхши кўради. У биринчи марта президентликка сайланганда, Оқ уй боғига футбол дарвозалари ўрнатилган эди. Трамп — футбол бўйича Жаҳон чемпионатига мезбонлик қилаётган давлатлардан бири — АҚШ президенти. У Клублар ўртасидаги Жаҳон чемпионатини қўллаб-қувватлаган илк шахслардан бири. Бундай йирик мусобақалар айнан шундай лидерларнинг ёрдамисиз амалга ошиши мумкин эмас, — дея Инфантинонинг сўзларини келтиради журналист Бен Жейкобс.
Маълумот учун, Клублар ўртасидаги Жаҳон чемпионати финали 13 июлдан 14 июлга ўтар кечаси, АҚШнинг Нью-Жерси штатидаги “MetLife” стадионида бўлиб ўтади. 82 566 томошабинга мўлжалланган ушбу аренада ўйин Тошкент вақти билан 00:00 да бошланади.
Изоҳ (0)