Ҳиндистон полицияси Керала штатидаги ғорда икки кичик боласи билан истиқомат қилаётган 40 ёшли россиялик аёлни топди. Бу ҳақда PTI агентлиги хабар бермоқда.
“Моҳи тахаллуси билан танилган 40 ёшли россиялик Нина Кутина ва унинг икки кичик фарзанди деярли икки ҳафта давомида тўлиқ яккаланишда яшагандан сўнг, Карнатака штатидаги Раматирта тепалигидаги узоқ ғордан қутқариб олинди. Қутқарув ишлари жума куни маҳаллий полиция томонидан оддий патруллик вақтида амалга оширилди”, дейди расмийлар.
Бир неча йил олдин Ҳиндистонга ишбилармонлик визаси билан келган россиялик аёл Гоадан диний ва медитация амалиётлари билан машҳур бўлган соҳил шаҳри Гокарнага йўл олган. Ҳиндуизм ва ҳинд маънавий анъаналарига қизиқиб, у икки фарзанди — олти ёшли Прия ва тўрт ёшли Ама билан Гокарнанинг ўрмонли тепаликларида ёлғизликда яшашга қарор қилган.
Оила қалин ўрмон ва тик ён бағирлар билан ўралган ғорда истиқомат қилган. Россиялик аёл ғорни руҳий бошпанага айлантирган, Рудра ҳайкалини ўрнатган ва кунларини ибодат ҳамда медитация билан ўтказган. Полиция у ва унинг болалари ёввойи ҳудудда бўлганида қандай қилиб озиқ-овқат ва сув топганини текширмоқда.
Изоҳ (0)