АҚШ Адлия вазирлиги раҳбари ва бош прокурори Пем Бонди мамлакат президенти Дональд Трампга қарши терговларда собиқ махсус прокурор Жек Смитга кўмаклашган камида 20 нафар прокурор ва бошқа ходимларни ишдан бўшатди. Бу ҳақда ABC телеканали ишончли манбаларга таяниб хабар бермоқда.
Февраль ойида ABC Бондининг Трампга қарши терговлар олиб борган амалдорларнинг “сиёсийлаштирилган суд ҳаракатлари” ҳолатларини текшириш учун ишчи гуруҳ тузгани ҳақида маълум қилинган эди. Таъкидланишича, гуруҳ Жек Смитнинг фаолиятини ҳам кўриб чиқади.
“Бош прокурор Пем Бонди президент Трампга қарши терговларда собиқ махсус прокурор Жек Смитга ёрдам берган камида 20 нафар прокурор ва ёрдамчи ходимларни ишдан четлаштирди”, дейилади телеканал материалида.
Манбаларга кўра, ишдан бўшатилган айрим ходимлар прокуратура фаолиятида муҳим рол ўйнамаган, балки оддий ёрдамчилар бўлган бўлиши мумкин.
Бундан олдин Fox News телеканали АҚШ адлия вазирлигининг янги раҳбарияти Трампга қарши жиноий ишлар билан шуғулланган махсус прокурор Жек Смит идорасининг ўндан ортиқ ходимини ишдан бўшатгани ҳақида хабар берган эди.
2022 йил ноябрь ойидан бошлаб Смит Трампга қарши махфий ҳужжатларни ноқонуний сақлаш ва 2020 йилги сайлов натижаларини бекор қилишга уриниш бўйича тергов ишларига раҳбарлик қилган. Трампнинг сайловлардаги ғалабасидан сўнг бу жараёнлар тўхтатилди, чунки амалдаги давлат раҳбарларини жавобгарликка тортиш мумкин эмас.
Изоҳ (0)