Marvelʼнинг ёвуз қаҳрамонлари грим ва компьютер графикасисиз қандай кўринишга эга?

Мазкур актёр ва актрисаларни гримда танимаслигингиз аниқ. Улар ўз ролларини шунчалик қойилмақом ижро этганки, актёрларни фақат образлари билангина ёдга оласиз.

Алтрон — Жеймс Спайдер

Жеймс Спайдернинг бўйи 180 сантиметрдан ошмайди, бу эса “Қасоскорлар: Алтрон даври” фильми қаҳрамонларининг ҳаммасидан баланд бўлган Алтрондан анча фарқ қилади. Шу сабабли муаммо юзага келиши мумкин эди: актёрлар суратга олиш пайтида Спайдернинг кўзларига қараса-да, фильмда ҳамма нарса улар бошидан пастга қараётгандек кўринарди. Бунинг олдини олиш мақсадида Жеймсга энг тепасида қизил шарчалар ўрнатилган махсус антенна бириктирилади - бу шарчалар актёрлар дубляж пайтида қараши лозим бўлган ўзига хос кўзлар вазифасини ўтарди. Бироқ Элизабет Олсен Жеймснинг актёрлик маҳоратидан шунчалик ҳайратга тушганки, Аарон Тейлор-Жонсонга саҳна ортидан тез-тез “Қизил шарларга қара, Лиззи!” деб қичқиришга тўғри келган. Аслида фақат Элизабетгина эмас, балки бошқалар ҳам таъсирланган. Спайдер ўзининг биринчи дублини якунлаганидан сўнг, бутун суратга олиш жамоаси уни олқишлашни бошлаган.

Кейт Бланшетт

Кейт Бланшетт 2001 йилда “Узуклар ҳукмдори: Узук биродарлиги” фильмида, 2015 йилда эса “Золушка” фильмида рол ижро этган. Шунингдек, Кейт “Тор: Рагнарёк” фильмидаги Хела ролини ўғиллари туфайли ижро этган. Катта ўғли Дешилл Жон Аптон онасига бу фильм унинг карьерасига туртки беришини айтган. 

Танос — Жош Бролин

Жош Бролин ҳам худди Жеймс Спейдер Алтрон ролида бошидан кечирганидек, ўхшаш жараённи ўтказишига тўғри келди. Аммо Жошнинг вазифаси янада оғирроқ эди. У оддий антенна эмас, балки юзини суратга оладиган камера ўрнатилган дубулға тақиб юриши керак эди. Бундан ташқари, Бролин бошқа актёрлар унга яқинлашмаслиги ва монтаж пайтида “текстураларга сингиб кетмаслиги” учун Таноснинг ҳажмига мос келадиган костюм кийган. Қизиғи шундаки, барча воқеалардан сўнг Танос бошқа сайёрада бўлган сўнгги саҳнада Жош Бролиннинг ўзи иштирок этмаган. У ҳақиқатан ҳам тасвирга туширилган, аммо фақат графика ёрдамида, худди саҳнадаги бошқа барча нарсалар сингари.

Ронан — Ли Пейс

Кўпчилик Ли Пейсни “Хоббит” трилогиясидаги Трандуил, “Сумерки”даги Гаррет, “Асос” ҳамда бошқа фильм ва сериаллардаги роллари орқали танийди. “Галактика қўриқчилари” фильмида у ёвуз Ронан ролини ижро этиши керак эди, аммо фильм охирида бош қаҳрамонларнинг рақси туфайли мағлуб бўлди. Қизиғи шундаки, Ли Пейс дастлаб Питер Квилл ролига кастинг топширган, бироқ бу ролни Жоэл Edgeртон, Кем Жиганде, Закари Ливай, Женсен Экклс, Аарон Пол, Жон Красински, Эдди Редмейн, Жеймс Марсден ва бошқалар сингари қўлдан бой берган.

Nebula — Карен Гиллан

“Галактика қўриқчилари” фильмининг иккинчи қисмидан бошлаб Nebula кўпроқ антиқаҳрамон ва ҳатто ижобий персонаж бўлишига қарамай, биринчи фильмда у иккинчи даражали ёвуз сифатида тасвирланган. Карен Гиллан бу ролни олишидан олдин, Гал Гадот уни ўйнашни истаган. У “Форсаж” фильмидан кейин фаол равишда янги иш излаган ва умидсизликдан ҳатто Голливудни тарк этишни ўйлаган. Карен янги роли учун аёл киши бажара оладиган энг мураккаб тайёргарликдан ўтади — у гримёрлар ишини осонлаштириш учун сочини бутунлай қирдириб ташлайди. Аммо кейинчалик гримёрлар унга миннатдорлик сифатида ўз сочларидан ясалган парик тақдим этишади.

Кулл Обсидиан — Терри Нотари

Болалигида Терри Нотари ниҳоятда гиперактив бола бўлган. Шу боис ота-онаси уни гимнастикага берган. Кейинчалик у Калифорния университетига ўқишга кириб, у ерда театр йўналишида гимнастика билан шуғулланган. 2000 йилдан бошлаб Терри каскадёр ва трюклар бўйича мураббий сифатида фаолият юрита бошлаган: у бошқа актёрларга қандай ҳаракат қилиш кераклигини ўргатган. Унинг маҳорати, айниқса, 2001 йилдаги “Маймунлар сайёраси” фильмида жуда қўл келган. У фильмда барча актёрларга маймун каби қандай ҳаракат қилишни намойиш этган. Кейинчалик “Маймунлар сайёраси: қўзғолон” ва “Маймунлар сайёраси: уруш” фильмларида ҳам иштирок этган. Бундан ташқари, Нотари кўпинча турли хил фантастик персонажлар ролларини ижро этади: у “Ўрмондаги кулба” фильмида Масхарабоз, “Маймунлар сайёраси” фильмлар туркумида иккита маймун, “Хоббит” трилогиясида гоблин ва яна бир нечта персонаж ҳамда “Конг: Бош суяги ороли” фильмида Конг ролларини гавдалантирган.

Корвус Глейв — Майкл Жеймс Шоу

“Абадият жанги” ва “Финал ”Майкл Жеймс Шоу фильмографиясидаги ягона кинофильмлар бўлиб қолди. У асосан сериаллари билан танилган. Фаолиятининг бошида, яъни 2010 йилларнинг биринчи ярмида, у қисқа метражли фильмларда суратга тушган, кейинчалик эса “Константин” сериалининг уч қисмида, “Зулмат ҳудуди” сериалининг ўн тўрт қисмида ва “Юрувчи ўликлар” сериалининг ўн беш қисмида рол ижро этган. Сўнгги сериалда у Майкл Мерсер ролини ўйнаган.