Севимли фильмларни қайта-қайта томоша қилиш ва ҳар сафар янги деталларни пайқаш мумкин. Маълум бўлишича, “Узуклар ҳукмдори” фильмида Билбо Беггинс туғилган кунига бағишланган зиёфатда ўзига хос мусиқа ижро этган, аммо уни синчков томошабинлар ҳам пайқамаган.
“Юлдузлар жанги: сўнгги жедай” — Люк ўзидан из қолдирмайди
Люкнинг Крейтда пайдо бўлиши томошабинлар ҳайратига сабаб бўлади, аммо у Қудратнинг шарпаси эканлигини ҳамма ҳам тушунмайди. Аслида буни Кайло Рен ҳам билмаган. Люк бир вақтнинг ўзида бир нечта АТ-АТ ҳужумига хотиржам бардош бергани ҳам, ҳатто у сайёрада ҳеч қандай из қолдирмагани ҳам ҳеч кимни шубҳалантирмайди.
Режиссёр Райан Жонсон атайин бунга урғу беради: у Кайлонинг изларини кўрсатиб туриб, Люкдан из қолмаётганини таъкидлайди.
“Жаноб Смит ва Смит хоним”: Бред Питтнинг қисилган кўзи
Ярмарка саҳнасида Бред Питт қаҳрамони тирда ўқ отмоқда. Аввал у мўлжалга олиш учун чап кўзини қисади, сўнгра периферик кўришни сақлаб қолиш учун уни очади. Снайперлар айнан шундай ҳаракат қилишади, бу эса қаҳрамоннинг фильмда кейинчалик намоён бўладиган маҳоратини изоҳлайди.
“Келажакка қайтиб”: 3-қисмдаги Докнинг шарфи ниманидир эслатади
Сюжети вақтлар аро саёҳатга асосланган фильмларда хатоларга йўл қўйиш осон. Аммо “Келажакка қайтиб” трилогияси ижодкорлари вазифаларига жуда эҳтиёткорлик билан ёндашиб, майда-чуйдаларга ҳам эътибор қаратган. Масалан, синчков томошабинлар Докнинг “Келажакка қайтиб 3” фильмидаги шарфи унинг “Келажакка қайтиб 2” фильмидаги кўйлагидан қилинганини пайқашган.
Бундан ташқари, диққат билан қарасангиз, кўйлакда паровоз ортидан қувиб кетаётган отлар тасвирланганини кўриш мумкин — эҳтимол, бу трилогиянинг якуний қисмига ишорадир.
“Келажакка қайтиб”: Марти Макфлай ва кичик Мартининг кўзлари турли рангда
Агар сизга “Келажакка қайтиб”нинг 2-қисмидаги ўғил отасининг айнан нусхаси бўлиб туюлган бўлса, демак, фильмни эътиборсиз томоша қилгансиз. Мартининг кўзлари кулранг, ўғлининг кўзлари эса қўнғир рангда.
“Трасса-60:” “Келажакка қайтиб” фильмларига ишоралар
Кристофер Ллойд қаҳрамонининг 13-қаватдаги офисидаги соат 10:04 да тўхтаб қолган. Худди “Келажакка қайтиб” фильмидаги соат-минора каби.
Шунингдек, Нил отаси туғилган кунида совға қилган қизил BMW кабриолетини биринчи марта кўрганида, Марти янги машинасини кўриш учун гаражни очганида чалган мусиқани эслатувчи мотив янграйди.
“Қудратли Эван”: официант бейжиги
Худо официант сифатида пайдо бўлганда, унинг бейжигида “Al Mighty” деб ёзилган, бу инглиз тилидан таржима қилинганда “Қудратли” деган маънони англатади.
“Кариб денгизи қароқчилари”: таниш парик кийган маҳаллий одам
Фильмнинг 2-қисмида Элизабет отасининг кейинги тақдири ҳақида спойлер бор. Сага қаҳрамонлари тушиб қолган оролнинг маҳаллий аҳолисидан бири губернатор Суоннникига шубҳали даражада ўхшаш парикда пайдо бўлади. Бироқ қизи отасининг ҳалок бўлгани ҳақида фақат 3-қисмда билиб қолади.
“Узуклар ҳукмдори”: Билбонинг туғилган кунида Пиппин чиқиш қилади
“Кўпчилик Билбо зиёфатида ҳоббитлар гуруҳида мусиқа чалаётганимни пайқамаган бўлиши мумкин”, дейди Пиппин ролини ижро этган актёр Билли Бойд. Уни умумий саҳнанинг орқа қисмида кўриш мумкин. Концертдан сўнг кўп ўтмай, Пиппин саҳнани тарк этиб, дўсти Мерри билан шўхлик қилгани кетади.
“Сумерки”: Белла ва Эдвард олтин пиёзни қўлга киритишади
Эдвард ва Белла биринчи марта пиёз ҳужайраларини микроскоп остида ўрганиш устида бирга ишлаётган пайтида гаплашган. Ўқитувчи вазифани биринчи бўлиб тўғри бажарган гуруҳга олтин пиёз берилишини эълон қилади. Дарсдан сўнг Белланинг қўлида ўша пиёзча кўрингани боис жуфтлик лаборатория ишини биринчи бўлиб тугатган, гарчи бу ҳақда фильмда айтилмаган бўлса-да.
Изоҳ (0)