Тошкент шаҳри Яшнобод туманидаги “Амир Темур” маҳалласи аҳолиси болалар майдончаси ва яшил ҳудуд тадбиркор томонидан эгаллаб олинганидан қаттиқ норози. “Дарё” мухбири воқеа жойида бўлиб, вазиятни ўрганди.
Аҳоли нима дейди?
Маҳаллада 144 та хонадон бор. Жами 14 ёшгача бўлган 235 нафар бола, 87 нафар қария яшайди. Айтилишича, ҳудудда илгаридан болалар майдони ва яшил арчалар мавжуд эди. Охирги 1,5 йил ичида уч нафар тадбиркор мазкур жойни эгаллашга уринган.
-U2GiV1I9.avif)
Аввалги икки тадбиркор жамоат қаршилигидан сўнг ҳудудни тарк этган. Учинчиси эса қурилишни тўхтатмаган. Ҳозиргача қирққа яқин яшил арчалар кесиб ташланиб, ўрнига бетон қуйилган.
-O4b0bdBI.avif)
“‘Милиция чақиравер, ҳеч кимдан қўрқмайман. Қураман дедимми, қураман’, деб очиқчасига айтишди. Биз бу ерда иморат қурилишига норозимиз, ноҳақлик бўляпти”, дейди Карима Мақсудова.
-qqFAnf3r.avif)
Аҳолининг айтишича, кўп қаватли уй олдида болалар ўйнаши учун бошқа жой йўқ. Йўлаклар ҳам кичик, атроф тўла машина.
“Маҳалламиз раиси умуман келмайди, хабар олмайди. Эшитишимизча, мана шу ерлар бўш деб ўзи қурувчиларга кўрсатган экан”, дейди қурилишдан норози бўлаётган Эътибор Маҳмудова.
-rTSDdTFb.avif)
“Мурожаатлар бесамар кетмоқда”
Маҳалла аҳлига ҳудудда қандай бино қурилаётгани ҳақида маълумот берилмаган. Фуқаролар прокуратура, ҳокимият, суд, экология, кадастр каби давлат органларига мурожаат қилган. Лекин ҳеч қандай аниқ ечим берилмаган. Тадбиркорга фақатгина экология органи 15 миллион сўм жарима солган. У пулни тўлаган.
“‘Жарима тўладимми? Тамом, қуравераман’, деб ишни давом эттиряпти. Аслида бу ердан 70 квадрат метрли жой харид қилган экан. Лекин у 140 квадрат метрни эгаллаб олди. Майдончасини ҳам, бошқасини ҳам ўзимиз қиламиз. Бу ерда болаларга ўйнаш учун бошқа жой йўқ. Болам бошқа ъдомъ олдида ўйнаб, тиззасини йиртиб келди, еттита чок тушди?” — дейди маҳалла вакили Камола Каримова.
-Ddn3T8vJ.avif)
Масъуллар нега жим?
Аҳоли маҳалла раиси ўз вазифасини бажармаётгани, масъуллар эса масалани ўзидан соқит қилишга уринаётганини айтмоқда.
-QuMPuW7k.avif)
“Ҳеч ким жавоб бермайди. Хатлар ёзиляпти, имзо қўйиляпти, лекин натижа йўқ. Бу сансалорлик бизга адолат йўқлигини кўрсатяпти”, дейди маҳалла вакиллари.
Болалар ўйнайдиган жойни тадбиркор қурилишга айлантирган. Аҳоли бир неча марта шикоят қилган, лекин масалани на ҳал қилиш, на тушунтириш бор. Одамлар “қонун кимни ҳимоя қиляпти?” деган савол билан умидсиз қолмоқда.
Изоҳ (0)