Россия Ҳиндистондан бир миллион меҳнат муҳожирлари келишини кутмоқда. Бу ҳақда Урал савдо-саноат палатаси раҳбари Андрей Беседин маълум қилди, дея хабар бермоқда Ura.ru нашри.
Хорижий мутахассислар борадиган ҳудудлар орасида Свердловск вилояти ҳам кўрсатилган.
Бесединнинг аниқлик киритишича, минтақа саноатида ишчи кучи етишмаслиги муаммосини ҳал қилиш айнан Ҳиндистон, Шри Ланка ва Шимолий Кореядан муҳожирларни жалб қилиш орқали амалга оширилиши режалаштирилган. Маҳаллий саноат корхоналари ишлаб чиқаришни кўпайтиришни режалаштирмоқда, аммо малакали ишчилар етишмовчилиги сезиларли даражада.
Савдо-саноат палатаси раҳбарининг таъкидлашича, Ҳиндистон ҳукумати билан жорий йил давомида Свердловск вилояти учун ходимларни қўшиб ҳисоблаганда бир миллионга яқин ишчи етказиб бериш бўйича келишувга эришилган.
Бундан ташқари, кўрсатилган давлатлардан келган меҳнат муҳожирлари билан ўзаро ҳамкорлик қилиш мураккаб вазифа бўлиши, чунки уларнинг аксарияти металлургия ва машинасозлик саноати корхоналарига ишга жойлаштирилиши кераклиги таъкидланган.
Бундан аввал Москвада ноқонуний мигрантларни аниқлаш бўйича навбатдаги рейдлар ўтказилгани хабар қилинганди. Рейд давомида шаҳардаги хостеллар ва ибодатхоналар текширилган. Ушбу объектлардаги 500 дан ортиқ муҳожир текширув учун полицияга олиб кетилган. Россияга кириш ва мамлакатда бўлиш қоидаларини бузган 30 дан ортиқ киши маъмурий жавобгарликка тортилган ва чиқариб юборилган. Бундан ташқари, федерал қидирувда бўлган бир нафар мигрант қўлга олинган.
Изоҳ (0)