Москва яқинида ўтказилган рейддан сўнг МДҲ давлатлари ва Африкадан келган 120 нафар муҳожир Россиядан чиқариб юборилиши ҳақида хабар берилган эди. Улардан 45 нафари Ўзбекистон фуқаролари экани маълум қилинди.
Полиция тезкор-профилактика тадбирини 11 июль куни ўтказган эди. Ҳуқуқ-тартибот идоралари ходимлари ҳужжатларни текшириш учун Ozon омборига борганда 120 нафар ишчи Россияда ноқонуний юргани маълум бўлган.
Ҳолат юзасидан Россия Жиноят кодексининг 322-моддаси (ноқонуний миграцияни ташкил этиш) билан жиноий иш қўзғатилган.
“Царьград”нинг ёзишича, уларнинг 45 нафари Ўзбекистон фуқаролари бўлган. 29 нафари Тожикистондан, қолганлари эса Озарбайжон, Жазоир, Ангола, Бенин, Гамбия, Гвинея, Замбия, Ҳиндистон, Камерун, Конго, Марокаш ва Сиерра-Леонедан келган.
Мигрантлар хориж фуқаролари учун вақтинча сақлаш ҳибсхонасига жойлаштирилган. Қайд этилишича, улардан 32 нафари аллақачон Россиядан чиқариб юборилган.
Изоҳ (0)