Буюк Британияда яшовчи аёл 105 ёшга тўлди ва узоқ умр кўриш сирини очиқлади. Бу ҳақда National World хабар берди.
1920 йилда Бирмингем шаҳрида туғилган британиялик аёл ўзини шунчаки Мерион деб аташни афзал кўради. У кўп йиллар мактабда ўқитувчи бўлиб ишлаган, кейин эса Брендон қишлоғига кўчиб ўтган. Аёл у ерда маҳаллий хайрия ташкилотига раҳбарлик қилган.
Ҳозирда Мерион Глостершир графлигидаги Тюксбери шаҳрида жойлашган қариялар уйида яшайди. Унинг юбилейини нишонлаш учун қариндошлари ва дўстлари ташриф буюришди. Мерион узоқ умр кўришнинг асосий сири ҳаётдан завқланишни билиш эканини таъкидлади.
Туғилган кун муносабати билан меҳмонлар ва Мерион учун катта торт тайёрланди. Бундан ташқари, у қиролича Карл III дан табрикнома ҳам олди. Мерион ҳазил билан шундай деди:
Бугун мени ҳаддан ташқари эркалашяпти, нима учун бу қадар шов-шув кўтарилганини тушунмаяпман, дейди у.
Аввалроқ яна бир 105 ёшли британиялик аёл Эдна Ада Луиза Ҳаттуэй ҳам узоқ умр кўриш сирини очиқлаган эди.
Изоҳ (0)