Buyuk Britaniyada yashovchi ayol 105 yoshga to‘ldi va uzoq umr ko‘rish sirini ochiqladi. Bu haqda National World xabar berdi.
1920-yilda Birmingem shahrida tug‘ilgan britaniyalik ayol o‘zini shunchaki Merion deb atashni afzal ko‘radi. U ko‘p yillar maktabda o‘qituvchi bo‘lib ishlagan, keyin esa Brendon qishlog‘iga ko‘chib o‘tgan. Ayol u yerda mahalliy xayriya tashkilotiga rahbarlik qilgan.
Hozirda Merion Glostershir grafligidagi Tyuksberi shahrida joylashgan qariyalar uyida yashaydi. Uning yubileyini nishonlash uchun qarindoshlari va do‘stlari tashrif buyurishdi. Merion uzoq umr ko‘rishning asosiy siri hayotdan zavqlanishni bilish ekanini ta’kidladi.
Tug‘ilgan kun munosabati bilan mehmonlar va Merion uchun katta tort tayyorlandi. Bundan tashqari, u qirolicha Karl III dan tabriknoma ham oldi. Merion hazil bilan shunday dedi:
Bugun meni haddan tashqari erkalashyapti, nima uchun bu qadar shov-shuv ko‘tarilganini tushunmayapman, deydi u.
Avvalroq yana bir 105 yoshli britaniyalik ayol Edna Ada Luiza Hattuey ham uzoq umr ko‘rish sirini ochiqlagan edi.
Izoh (0)