Россия армияси 19 сентябрь куни Украинанинг Суми шаҳридаги 200 дан ортиқ қария яшайдиган пансионатга зарба берди. Бу ҳақда 24 Канал маълум қилди.
Ҳодиса оқибатида 13 киши жароҳатланган, камида бир киши ҳалок бўлган, 147 киши хавфсиз жойга кўчирилган. Қурбонлар ҳақида ҳозирча маълумот мавжуд эмас.
Ҳужум вақтида муассасада 221 нафар бемор бўлган, улардан 87 нафари тўшакка михланганди, дейилади хабарда.
Бундан ташқари, 60 нафар хизмат кўрсатувчи ходим, яъни жами 300 га яқин киши бўлган. Улар тушлик қилаётганида, айримлари дам олаётганида пансионатга зарба берилган.
“Зарба энг юқори қаватларга тушган, бешинчи қаватда 24 киши бор эди”, дейди муассаса ходимлари. Энг кўп жароҳатланиш ҳолати одамлар гавжум бўлган жойда кузатилган.
Қутқарувчиларнинг қайд этишича, маҳаллий вақт билан соат 18:00 ҳолатига кўра, бинодан 147 киши эвакуация қилинган. Ўшанда вайроналар остидаги одамлар ҳақида маълумот бўлмаган, бироқ кечки мурожаатида Зеленский бу маълумотлар текширилаётганини айтган. Пансионат биносининг томи, юқори қаватлари, дераза ва эшиклари қисман вайрон бўлган.
Зеленский муносабати
Россия пансионат ҳарбий база ва ҳарбий нишон эмаслигидан бехабар қолиши мумкин эмасди. Биргина шу куннинг ўзида, ҳозиргача, Россия кучлари шаҳарларимиз ва Украина позицияларини нишонга олган ҳолда 90 га яқин бошқариладиган авиабомбаларидан фойдаланди. Бу террор учун Россия армиясига албатта жавоб берамиз. Сезиларли тарзда, дея муносабат билдирди Украина президенти Владимир Зеленский.
Изоҳ (0)