Россиянинг Амур вилоятидаги мактаб стадионда юз берган оммавий муштлашувдан сўнг Ўзбекистоннинг 11 нафар фуқароси ҳибсга олинди.
-kdnjbC65.avif)
Ҳодиса 25 май куни Свободненский туманидаги стадионда юз берган. Ўйин вақти турли жамоалардан келган иштирокчилар ўртасида можаро келиб чиққан. Муштлашув оқибатида 27 ёшли йигит ўртача даражадаги тан жароҳати олиб, шифохонага ётқизилган.
Қўлга олинганларнинг барчаси маъмурий модда бўйича майда безориликда айбдор деб топилган. Суд уларни ҳибсга олишга ҳукм қилган. Тўққиз киши 14 кун, яна икки нафари эса 12 кун ҳибсда қолади.
Бундан ташқари қасддан баданга ўртача оғир шикаст етказиш ҳолати бўйича жиноят иши қўзғатилган. У уч йилгача озодликдан маҳрум қилишгача бўлган жазони назарда тутади.
Ҳуқуқбузарларнинг бир қисми айбини тан олиб, пушаймон бўлгани сабабли, уларга нисбатан енгилроқ жазо белгиланган. Бироқ ҳуқуқбузарлик бир гуруҳ шахслар томонидан содир этилгани жазони оғирлаштирувчи ҳолат сифатида баҳоланган, дейилади хабарда.
27 май куни Россия Тергов қўмитаси раиси Александр Бастрикин Амур вилоятида муҳожирлар иштирокида содир бўлган оммавий жанжал бўйича жиноий иш қўзғатишни ва бу ҳақда ўзига ҳисобот тақдим этишни топширганди.
Изоҳ (0)