“Akkermann цемент” халқаро форуми: қурилиш материаллари соҳасидаги муаммолар кенг таҳлил қилинди

“Akkermann цемент” Тошкент шаҳрида “Цемент. Бетон. Ишлаб чиқариш ва қўллашдаги замонавий технологиялар” III халқаро форумини ўтказди. Тадбирда компания раҳбарлари, қурилиш ва ишлаб чиқариш соҳаси вакиллари ва олимлар иштирок этди.

Мулоқотда Ўзбекистонда қурилиш сифатини ошириш ва қурилиш материаллари ишлаб чиқаришдаги камчиликларга ечим топиш масалалари муҳокама этилди.

“Оҳангаронцемент” заводи маҳсулотлари уч йилдан бери Россиянинг “Akkermann цемент” бренди остида ишлаб чиқарилмоқда. Форумда бош директор Илин Виталий завод фаолиятига тўхталди.

“Бугунги кунда “Akkermann цемент”нинг учта йирик заводи бор. Иккитаси Россиянинг Оренбург шаҳрида жойлашган. Кейин Тошкент вилоятидаги “Оҳангаронцемент”ни сотиб олганмиз. Бу заводимиз 1960 йилларда қурилган бўлиб, кунига 6200 тонна, йилига 2,4 миллион тонна цемент ишлаб чиқармоқда. Охирги уч йилда завод маҳсулотлари сифати ва замонавий технологиялари мутлақо янги даражага чиқди”, деди раҳбар.

Форумда қурилиш соҳаси мутахассислари учун амалий кейслар асосида чиқишлар қилинди. Масалан, Швейцариянинг PSA Zurich Area GmbH компанияси ижрочи директори, техника фанлари доктори, профессор Юрген Экник маърузаси иштирокчиларда катта қизиқиш уйғотди.

Германиялик олим меҳмонларга қурилиш саноатининг халқаро тенденциялари тўғрисида гапириб берди. Нуқтдаги асосий урғу қурилиш маҳсулотлари ишлаб чиқариш ва қурилиш майдониндаги қатор камчиликларга қаратилди. Профессор фикрича, соҳадаги энг катта муаммо эскирган стандартлардан воз кечилмаётгани билан боғлиқ.

“Профессор Юрген Экник қурилиш материалларини ишлаб чиқаришда Европа стандартларишга ўтиш муҳимлигини айтди. Бу олим маърузасининг жуда муҳим нуқтаси. Афсуски, ҳануз Совет давридан қолган қурилиш стандартларидан кўп фойдаланамиз. Ўзгаришлар йўқ эмас, лекин жараён секин кечмоқда. Ишлаб чиқаришни Европа стандартлари асосида йўлга қўйсак, сифат ошади, харажатлар ҳам камаяди”, деди “Оҳангаронцемент” Техник савдони қўллаб-қувватлаш хизмати раҳбари Иброҳим Маматов.

Форумда Ўзбекистонда қурилиш жараёнидаги муаммолар ҳам таҳлил қилинди. Мисол сифатида қурилиш маҳсулотларидан фойдаланишда айрим ҳолларда иқлим инобатга олинмаслиги жиддий камчилик экани айтилди. Шу билан бирга, қурилиш объектига қуйиладиган бетон етказишда муаммолар мавжудлигига урғу берилди. Жараёнда бетон қуюқлашиб қолади, уни суюлтириш учун сув қўшилади. Оқибатда сув бетон мустаҳкамлигини камайтиради. Муаммони ечиш учун эса кимёвий қўшимчаларни тўғри танлаш муҳим.

Мулоқотда бетонни парваришлаш жараёнида ҳам хатоликларга йўл қуйилаётгани танқид қилинди. Бу ҳолат ҳам бетон мустаҳкамлигини камайтиради, конструкцияларда ёриқлар пайдо бўлишига олиб келади.

Мулоқотда “Akkermann цемент” ишлаб чиқариш холдинги директори Александр Федоров завод имкониятлари ҳақида гапирди.

“Цемент ишлаб чиқаришда энг замонавий ҳисобланган Франция технологиясидан фойдаланамиз. Бундай технология МДҲ мамлакатлари орасида фақатгина Россия ва Ўзбекистонда мавжуд. Заводда маҳсулот ишлаб чиқариш босчиқлари онлайн режимда таҳлил қилинди. Жараённинг асосий қисми автоматлаштирилган. Завод узлуксиз ишлайди ва битта хонадан пульт орқали бошқарилади”, деди мутахассис.

Форумда Akkermann цементлари сифати халқаро стандартларга тўлиқ жавоб бериши эътироф этилди. Шу боис, маҳсулотларга талаб ортиб бораётганига урғу берилди. Бугун компания цементлари нафақат ички бозорда сотилади, балки Қозоғистонга экспорт ҳам қиланади. “Оҳангаронцемент” цемент экспорти бўйича Ўзбекистонда етакчи ҳамдир.

Форумда “Ўзқурилишматериал” АЖ ассоциацияси бошқаруви раиси маслаҳатчиси Баҳодир Исмоилов маъруза қилди. Мутахассис бугун республикада қурилиш материаллари ишлаб чиқариш ҳажми тез ошиб бораётганини таъкидлади.

“Жорий йилда 53 триллион сўмлик қурилиш маҳсулотлари ишлаб чиқарилиши кутилмоқда. Аммо бир масала борки, қурилиш материаллари импорти экспортимиздан икки баравар кўп. Бу ҳолат маҳаллий маҳсулотлар сифатига жиддий эътибор бериш кераклигини англатади”, деди маслаҳатчи.

Форум дастури доирасида иштирокчилар “Akkermann цемент”нинг Тошкент шаҳрида жойлашган бетон лабораторияси билан таништирилди. Меҳмонларга илғор синов ва сифат назорати усуллари тўғрисида маълумот берилди.

Буюртма учун: Telegramда @akkermanncement_bot ёки +998 (50) 717-50-50 телефон рақамидан фойдаланинг.

Сайт: www.аkancем.uz

Instagram: @prosement.uzb 

Реклама ҳуқуқи асосида.