Россияда 670 мингга яқин ноқонуний мигрантлар бор. Бу ҳақда Россия ички ишлар вазирининг биринчи ўринбосари Александр Горова маълум қилди.
Горованинг сўзларига кўра, 30 апрелга қадар хорижликлар Россияда ўз мақомини қонунийлаштириш учун ИИВ ва тегишли идораларга мурожаат қилиш ҳуқуқига эга.
Махсус ҳисобларимиз бўйича текширув ўтказиб, жамоат тартибига тажовуз қилувчи ҳуқуқбузарликлар содир этмаганини аниқлаш натижасида ушбу чет эл фуқароларининг ҳуқуқий мақомини тартибга соламиз. Акс ҳолда, улар мамлакатни тарк этиши шарт, деди Горовой.
Давлат думаси спикери Вячеслав Володин 5 февралдан Россияда ноқонуний мигрантларни чиқариб юбориш тартиби ишлашини маълум қилганди.
Россия қонунчилигига риоя қилмайдиган ёки бу ерда қонуний бўлиш ҳуқуқини йўқотганлар мамлакатимизда бўлмаслиги керак, деган у.
Володин мазкур чора хавфсизликни оширишга қаратилганини айтган. Мамлакатга кириш ва Россиядан чиқиш қоидаларини бузганлик учун маъмурий жавобгарлик жорий этилади. Қонун назорат остидаги шахслар реестрига киритилган мигрантларга хизмат кўрсатишга ҳам тааллуқли бўлади.
2025 йил 1 январда Россия президенти Владимир Путин мигрантларнинг болаларига рус тилини ўргатишни ташкил этиш бўйича топшириқ берганди. Россия Хавфсизлик кенгаши раиси ўринбосари Дмитрий Медведев эса гиёҳвандликка чалинган мигрантларни мамлакатдан чиқариб юборишга чақирганди.
Изоҳ (0)